Azken unera arte aritu dira NaBai eta PSN Foru Parlmanetuko Mahaia osatzeko elkarri babesa ematea negoziatzen, baina harreman horiek ez dute fruiturik eman. Horrenbestez, PSNko hautagai Elena torres aukeratu dute Parlamentuko presidente UPNren eta CDNren babesarekin, sozialistek uko egin baitiote NaBairen hautagai Koldo Amezketaren alde egiteari.
Hala ere, Nafarroako hurrengo gobernua eratzeko akordioa lortzea ez du baztertu PSNko idazkari nagusi Fernando Purasek. Areago, gaurko aukeraketak negoziazio horretan ez eragitea eta traba ez izatea espero duela adierazi du. Aldiz, NaBaiko zerrendaburu Patxi Zabaletak esan du gero eta urrunago ikusten duela PSNrekin hitzarmena egiteko aukera.
Mariano Raxoi PPren presidentearen ustez, gaurko erabakia "pauso bat da PSNk UPNk elkarrekin gobernatzeko egin dion eskaintza onartzeko". Eskaintza horren arabera, UPNkoa litzateke Gobernuaren lehendakaria eta PSN bertan sartuko litzateke.
PSNren ustez ez da gobernurako akordioa egiteko traba; NaBaik gero eta urrutiago ikusten du
Iruzkinak
Ez dago iruzkinik
Ordenatu
