Kataluniako independentzia prozesuari aurre egiteko estrategia komuna egitea adostu dute Mariano Rajoy Espainiako Gobernuko presidenteak eta Pedro Sanchez PSOEko idazkari nagusiak.
Bi buruzagi politikoek elkarrekin bazkaldu dute Kataluniako prozesuaz jarduteko, eta datozen egunetan berriro batzartzea adostu dute, neurri zehatzak eta bateratuak adosteko. Moncloak zabaldu duenez, Rajoyk eta Sanchezek "[Espainiako] Konstituzioaren, batasun nazionalaren, subiranotasun nazionalaren eta espainiarren berdintasunaren defentsan" lankidetzan aritzea hitzartu dute.
