Alfredo Perez Rubalcaba Espainiako Gobernuaren Barne ministroak esan du atzo Santanderren (Kantabria, Espainia) Aritz Arginzoniz ustezko etakidea atxilotu ondoren, Polizia eta Guardia Zibila bonba-auto baten bila dabiltzala. Espainiako Poliziak atzeman zuen hura eta, Rubalcabaren arabera, Arginzonizek Kantabriako eraikin publiko baten aparkalekuan bonba-autoa jartzeko asmoa zeukan. Atzotik inkomunikatuta daukate euskal herritar atxilotua.
Polizia iturrien arabera, Saioa Sanchez Iturregiren bila ere badabiltza, Arginzonizekin ustez ETAren komandoa osatzen zuelako. Loredoko (Kantabria) kanpineko arduradunak poliziek erakutsitako argazkiak ikusi ondoren esan du Sanchez aurreko egunetan bertan izan dela.
Rubalcabak dio bonba-auto baten bila dabiltzala Santanderren
Iruzkinak
Ez dago iruzkinik
Ordenatu
