Altsasu eta Bakaikoan (Nafarroa) bi sabotaje izan dira bart eta, ondorioz, Iruñea eta Gasteiz bidean zihoazen bi tren geldiarazi izan behar dituzte. Espainiako Gobernuaren Nafarroako ordezkaritzak adierazi duenez, gertaerak 02:00ak aldera gertatu dira. Ezezagunek katenaria moztu dute Iruñea-Gasteiz ibilbidearen 221,8. kilometroan. Eraso horiek bi trenei eragin die; bata, bidaiariekin zihoan, eta Bartzelona eta Irun (Gipuzkoa) lotzen zituen; bestea, merkantziekin zihoan, eta Martorell (Herrialde Katalanak) eta Irun lotzen zituen.
Azken hori berriz ere martxan zen 05:00etarako; zerbitzu osoa, berriz, 07:17rako.
Kalteak ez dituzte oraindik konpondu, eta lanek jarraitzen duten bitartean Madril-Irun trena Castejonera (Nafarroa) desbideratuko dute.
Espainiako Gobernuaren Nafarroako ordezkaritzak ekintza horiek gaitzetsi ditu.
Sabotajeak Iruñea eta Gasteiz lotzen dituzten trenbideetan
Iruzkinak
Ez dago iruzkinik
Ordenatu
