12:00ak eta 14:00ak artean Santandergo (Espainia) aireportuari granadekin eraso egingo ziotela esanez abisua eman du ETAren izenean Gara-ra deitu duen batek. Aireportua hustu egin dute.
Deia 11:05 aldean izan dela jakinarazi du 'Gara'-k, eta Ertzaintzarekin harremanetan jarri direla.
Aireportua hustuta eduki dute 15:30ak aldera arte, baina ez dute ezeren leherketarik sentitu. Lehergailuen bila bazter guztiak arakatzen jardun da polizia, baina ez dute ezer ere topatu. Beraz, aireportua berriz ere ireki egin dute, 15:30ak aldean.
Santandergo aireportua itxita eduki dute ETAren abisua jaso ostean
Iruzkinak
Ez dago iruzkinik
Ordenatu
