Silveirak barkamena eskatu du atzo Zarautzen izandako erreakziogatik

Saioan bosgarren geratu zela entzun eta Zarauzko aretotik ospa egin zuen atzo arratsaldean Xabier Silveirak, haserre. "Egundoko saioa" egin zuela uste zuen, eta sailkapenean askoz gorago egotea. Kontua da kartzelako saioan hiru poto egin zituela eta bera ez zela ohartu horretaz. Aretotik irten ondoren esan zioen potoen kontua, eta Silveirak barkamena eskatu zuen, gaizki erreakzionatu zuela aitortuz.