45 hilotz topatu dituzte Sirian, Homs hirian, tokiko koordinazio batzordeen arabera. Gehienak haurrak eta emakumeak direla azaldu dute.
Batzordeek ohar batean salatu dute Baxar al-Assaden aldeko indarrek eragindako biktimak direla, eta horiekin, jada 108 lagun direla azken 24 orduetan hildakoak.
Siriako Gobernutik Sana berri agentziaren bidez jakinarazi dute "talde terroristek" hainbat familia bahitu dituztela Homs hirian, eta horiek hil dituztela.
