Udalerri Euskaldunen Mankomunitateaz jakingarriak

Zer da Udalerri Euskaldunen Mankomunitatea (Uema)?

- Udalerri Euskaldunen Mankomunitateak biztanleen gehiengoa -%70etik gora- euskaldunak diren herriak biltzen ditu bere baitan.

Helburu orokorrak

- Udalerri euskaldunetan herritarrek egiten duten bizitza sozial guztia, publikoa zein pribatua, euskaraz izan dadin bideak urratzea.

- Udalerri euskaldun guztiek bat eginda, euskara nagusi izango den lurgunea osatzea.

- Udalerri euskaldunen garapen sozio-ekonomikoa eta soziokulturala bultzatzea.

Historia

- Udalerri Euskaldunen Mugimendua 1988an abiatu zen, Euskal Herrian Euskaraz (EHE) erakundearen ekimenari erantzuna emateko helburuarekin.

- Hasiera bateko udalen arteko ekimenari gorputza eta izaera juridikoa emateko, Uema sortu zuten 1991n.