UMPk espero baino gehiengo txikiagoa ukanen du

UMP alderdiak 323 diputatu ukanen ditu. Nahiz eta gehiengo osoari eusten dion, inkestek erraten zuten baino askoz diputatu gutxiago eskuratu ditu.

Azken bost urteetan 362 diputatu zeuzkan, eta 400 eta 500 diputatu bitartean ukanen zituztela uste zen, baina 323 baizik ez ditu ukanen. Halaber, PS alderdiak espero baino diputatu gehiago ukanen ditu, hala nola 206. UDF-Modem alderdiak 4 diputatu ukanen ditu, inkestek ematen zioten kopuru handiena baino bat gehiago. Gauza bera Berdeentzat ere, lau diputatu ukanen baitituzte. PCFk, aldiz, 18 diputatu ukanen ditu. UMPren alde agertu den zentroko alderdi berriak 22 diputatu ukanen ditu.