Aulestiko (Bizkaia) Urtzi Zenigaonaindia atxilotu du gaur goizean Guardia Zibilak Amoroton (Bizkaia), lanera zihoala. Bilboko La Salveko kuartelera eraman dute, eta ez dute inkomunikatu. Guardia Zibilak abokatuari jakinarazi dio herenegungo sarekadan atxilotutako Jose Luis Gallastegiren etxea miatzen ari zirela Lekeition (Bizkaia) izandako istiluen harira atxilotu dutela; irainak, ez obeditzea eta desordenak eragitea leporatzen diote.
Bertzalde, Gara-k jakinarazi duenez Ertzaintzak lagun bat atxilotu du Zornotzan (Bizkaia), herenegungo atxiloketen inguruko kartelak paratzeagatik.
Urtzi Zenigaonaindia atxilotu du Guardia Zibilak, Lekeitioko istiluekin lotuta
Iruzkinak
Ez dago iruzkinik
Ordenatu
