Greziak ez du baztertzen auzitara jotzea, Europako Batasunak hura euroguetik kanpo uztea erabakiko balu. Hala iragarri du Greziako Finantza ministro Giannis Varufakisek, 'The Daily Telegraph' egunkariari eskainitako elkarrizketan.
"Greziako Gobernuak bere esku dituen lege guztiak baliatuko ditu. Aholkularitza jasotzen ari gara eta ez dugu baztertzen Europako Batasuneko Justizia Auzitegira joatea. EBko hitzarmenek ez dute aurreikusten eurogunetik ateratzea eta guk ez dugu halakorik onartuko", ohartarazi du Varufakisek.
Gaur amaitzen da epea Greziak Nazioarteko Diru Funtsari zor dizkion 1.600 milioi euroak itzul ditzan. Atenasek, ordea, dagoeneko iragarri du ez duela ordainduko.
