"Gaixotasun larri eta sendaezinak dituzten senide eta lagunek etxean egon behar dutelako", Etxerat elkarteak parte hartuko du Herrira mugimenduak antolatutako kandela gauean. Ostiraletik larunbaterako gauean Zaballa Arabako espetxearen atarian pasatuko dute gaua hainbat lagunek, gaixo dauden presoak askatzeko eskatuz.
Etxerat-ek gogora ekarri du hamalau lagun daudela gaixotasun larriekin preso, eta horrek familiakoei eta lagunei "izugarrizko buruhausteak" eragiten dizkiela azpimarratu du. Hain justu, gaixo dauden presoen senitarteko eta lagunekin dokumental bat egin du Etxerat-ek, eta ostiralean aurkeztuko dutela jakinarazi du. Kandela gauean ere emango dute.
