Ziburuko (Lapurdi) portuan sutea izan da bart, eta kalte material handiak eragin ditu, hainbat bulego erre direlako: Itsas Kooperatibarenak, Ziburuko Arrantza Batzordearenak, Frantziako Gobernuaren Itsas aferenak...;hamabost erakunde edo enpresarenak, hain zuzen. Azken 50 urteetako dokumentuak kiskali dira; 50 tona dokumentu, esan dutenez. Horretaz gain, hozkailuetan zituzten arrainak suntsitu egin behar izan dituzte; besteak beste, 25 tona atun gorri (ehun mila euroko kaltea). Goizeko ordubietan piztu da sua, eta 400 metro kuadro erre ditu.
Hala ere, arraina saltzen duten lonja ez da kiskali, eta arrainen salmenta egin ahal izango dute egunotan.
Frantziako Poliziak gizonezko bat atxilotu du, sutearekin zerikusia izan dezakeelakoan. Komisaldegian galdekatzen ari dira orain.
Ziburuko portuan sutea izan da eta kalte material handiak eragin ditu
Iruzkinak
Ez dago iruzkinik
Ordenatu
