Gaza hegoaldea erasotu du gaur Israelgo Armadak. Haaretz egunkari israeldarrak, lekuko palestinarrak aipatuz jakinarazi du gutxienez zortzi pertsona hil dituztela eraso horretan. Tartean, gutxienez haur bat.
Israelgo Armadaren arabera, hildakoetatik zazpi Hamas Erresistentzia Islamikoaren Mugumenduko kideak ziren. Iturri palestinarren arabera, berriz, hildakoen artean 16 urteko gazte bat eta zortzi urteko haur bat daude. Gainera, erasoan, 29 pertsona zauritu dira.
Miaketak etxez-etxe
Bien bitartean, infanteriako soldaduek Rafako etxeak miatu dituzte banan-banan. Antza denez, lekukoen arabera, gudu orgekin Rafa ekialdean sartzen ari ziren bitartean soldaduek zibil palestinar bat hil dute eta beste bi zauritu.
Gazako erasoaldia abiatu zuenetik gutxienez 118 pertsona hil ditu Israelgo Armadak. Haaretz egunkari israeldarraren arabera, hildako gehienak ekintzaileak ziren.
ekialde hurbila
Zortzi palestinar, tartean gutxienez haur bat, hil ditu Israelgo Armadak Gazan
Iruzkinak
Ez dago iruzkinik
Ordenatu
