Albistea entzun

Kataluniako prozesu subiranista

Masen proposamena "hobetzeko" prest dago ERC

Alderdiak ez dio eskaintzari aterik itxi, eta abenduaren 2an jakinaraziko ditu bide orria "optimizatzeko" proposamenak. Rajoyk dio Masek "katalanen gehiengoa albo batera utzi" duela.

Joan Tarda, ERCko diputatua Madrilen.
Joan Tarda, ERCko diputatua Madrilen. Javier Lizˇn / EFE

Ander Perez -

2014ko azaroak 26 07:50

Hauteskunde plebiszitarioak egiteko borondatea erakutsi zuen atzo Artur Mas Generalitateko presidenteak, alderdi independentistek horretarako zerrenda bakarra osatuko balute. Zerrenda horrek irabaziz gero, behin-behineko gobernua osatuko lukete, hemezortzi hilabetez jardungo lukeena, ondoren independentziari buruzko erreferenduma egiteko.

Masek proposatutako bide orriari erantzun dio Joan Tarda ERCko diputatuak. Adierazi duenez, alderdia "ez dago erabat itxita" proposamenari dagokionez, baina "hobetu" nahi dute. Edonola, zerrenda bakarrak boto gutxiago lor dezakeela uste du Tardak, alderdiak bananduta aurkeztuta baino. ERCko diputatuaren arabera, Masen proposamena "oso garrantzitsua da, historia hurbilean presidente batek inoiz ez duelako hain argi hitz egin", baina, edonola, estatu independentearen aukera "ziurtatu" behar dela uste du. Argi mintzatu da horren inguruan: "Ezin dugu ez irabazteko aukerarik eman". Alde horretatik, Masen eskaintza optimizatu nahi duela berretsi du, eta abenduaren 2a jarri du horretarako epe modura; egun horretan hitzaldia emango du Oriol Junqueras ERCko idazkari nagusiak, eta, Tardaren hitzetan, orduan argituko dira "Masen proposamena hobetzeko aukerak".

Zerrenda bakarra osatzeaz hitz egiteko prest agertu da Josep Antoni Duran i Lleida UDCko burua. Hala ere, azaldu du ez dela berdina independentziaren aldeko zerrenda bakarra osatzea edo CiUk eta ERCk koalizioa egitea, eta uste du gainerako alderdiek, "ez soilik ERCk, oso erraz" egin diezaioketela uko zerrenda bakarraren proposamenari. Horrez gain, nabarmendu du programaren edukia ere garrantzitsua dela, ez soilik estatu independentearen proiektua. Gogorarazi du UDC konfederazioaren aldekoa dela, ez independentziaren aldekoa, baina "elkarrizketarako prest" dagoela ziurtatu du.

Mariano Rajoy Espainiako Gobernuko presidenteak, bestalde, Masen asmoak gaitzetsi ditu. Adierazi duenez, Generalitateko presidenteak katalanen "gehiengoa albo batera utzi" du. Hori dela eta, Katalunian "gobernu defizita" dagoela uste du Rajoyk, eta Generalitateak hartutako bidea kritikatu du: "Inora ez doan urratsa da".

ANC Biltzar Nazional Katalanak, berriz, datorren larunbatean jakinaraziko du bere jarrera ofiziala. Kataluniako mugimendu zibil independentista nagusiak batasuna eskatu die orain arte alderdi politikoei, eta gobernuko presidentea estutu du hauteskundeetara beranduenez hiru hilabete barru deitzeko. Atzo, Carme Forcadell presidenteak begi onez ikusi zuen Masen bide orria: "Ezetz esatea zaildu du". Era berean, ERC zerrenda bakarrean sartu beharko litzatekeela uste du, proiektua "herren" legokeelako bestela.

Alderdi txikien errezeloa

A-9a babestu zuten gainerako alderdiek ez zuten buruzagirik bidali Masen agerraldira, ezta UDC koaliziokideak ere. Quim Arrufat CUPeko parlamentariak zalantzan jarri du zerrenda bakarra osatzea independentziaren aldeko gehiengoak osatzeko biderik egokiena ote den: "inon ez dago idatzita zerrenda bakarra modurik onena denik". Alde horretatik, "batuketa guztiek batzen" ote duten galdetu du Arrufatek. Katalunian "sufritzen duten herritar asko" daudela gaineratu du, eta independentzia horiengan pentsatuta eraiki behar dela defendatu. "Independentzia ez da golf zelai batetik eraikitzen", borobildu du.

Hasierako taldetik gehien urrundu dena ICV-EUiA izan da. Masek bere plan alternatiboa aurkeztu zuenetik, Joan Herreraren alderdia balantzaka ibili da alde batera eta bestera: hasieran esan zuen ez zuela galdeketan parte hartuko; gero, «bai-ez» bozkatuko zuela. Orain, kanpaina egitea egotzi dio gobernuari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Vladimir Putin Errusiako presidentea, gaur, Moskun. ©EFE

Errusiak esan du ┬źnegoziatzeko prest┬╗ dagoela, bere interesak ┬źbermatzeko┬╗

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.