Noiz sortua: 2015-03-12 18:18:13

CAROLINE PHILLIPS

"Komunikazioan sakondu behar dugu, egiten duguna azaldu"

Garapen Kontseiluko lehendakariorde eta idazkaria izan ondotik, lehendakari izendatu berri dute. Iparraldean instituzioa eskatuko du. Bideoa: Phillipsi egindako elkarrizketa (Joanes Etxebarria, Ipar Euskal Herriko Hitza).

Joanes Etxebarria -

2015eko martxoak 12

Amerikarra da sortzez, Kaliforniakoa, baina duela 23 urte iritsi zen Euskal Herrira, eta euskara ikasi zuen segidan. Phillips Internet Consulting enpresaren arduraduna da, informatikan eta komunikazioan aritua. Garapen Kontseiluko lehendakari izendatu zuten otsailaren 23an, erakunde horretako idazkari eta lehendakariorde izan ondotik.

Zu zara Garapen Kontseiluko lehendakari berria. Zer aldatuko da orain?

Denbora pila bat pasatuko dut, dena estudiatzen, dena ulertzen, dena lantzen... Lana izanen da, baina lana plazerarekin. Garapen Kontseiluan izan naiz azken 11 urteetan, eta beti etortzen naiz plazer handiz. Hemen naiz Euskal Herria eraikitzen dugulako.

Garapen Kontseilua zertarako da? Zer lan egiten duzue?

Garapen Kontseilua gizarte zibileko elkarte eta administrazioek osatzen dute; elkarrekin lurraldeko proiektu bat eraikitzea dugu xede. Gure xantza da lurraldeko hautetsiekin lan egiten dugula, eta haiek %95ean gure ideiei segitzen dietela. Hautetsiak eskatzen digu gai baten inguruko lana, ikerketa bat egiten dugu, eta, iritzi bat dugularik, hautetsiei pasarazten diegu bideratzeko.

Halere, aipatzen den lurraldea, Ipar Euskal Herria, ez da entitate administratibo bat. Horrek zertan zailtzen du zuen lana?

Adibidez, Hegoaldearekin ditugun harremanetan, guk, Iparralde mailan, ezin dugu kontratatu zuzenean Hegoaldeko elkarte edo administrazioarekin; ez dugu ahalik, administrazio arloan, kontratuak izenpetzeko. Horregatik eskatzen dugu instituzio bat Iparraldean.

Zein lan eraman duzue, hain zuzen, mugaz gaindi?

Duela urte bat lan bat egin genuen gazteriari buruz, eta lan ildoak atera ziren; horietarik bat zen Hegoaldeko administrazioarekin lan egitea. Jadanik hartu ditugu harremanak Mugaz Gaindiko Konferentziarekin, baina ezin dugu kontraturik izenpetu...

Urte hasiera honetan elkarrizketa sozialaz anitz komunikatu duzue. Zer da zuzen?

Elkarrizketa soziala bi partaiderekin sortu zen, 2008an: CGPME nagusi sindikatuarekin eta CFDT langile sindikatuarekin. Geroztik oso interesgarria izan da, zeren elkarrizketa sozialean baditugu partaide guztiak mahai inguruan, eta hori da gure berezitasuna. Instituziorik gabe moldatu gara, eta aurkitu dugu bide bat gai batean sakontzeko. Partaide guztiek aurkitu dituzte lantzeko bideak; lehena da lan munduko osagarria eta bizi kalitatea. Badira beste pista batzuk, hala nola giza baliabideak, edo nola egin gazteen ikasketak eta lan munduko beharrak elkartzeko. Baina oraingoz lan munduko osagarriaren gaiari helduko diogu. Horretarako, zazpi sindikatu badira langileen aldetik eta beste lau nagusien aldetik, eta estatuak laguntzen gaitu dena plantan ezartzeko.

Zuen helburu nagusia lurraldearen garapena da. Orain arteko esperientziarekin, hori nola egin daiteke instituziorik gabe?

Garapen Kontseiluak jadanik bere iritzia eman zuen 2012an instituzio baten alde, ahalmen bereziekin. Egun badugu leiho bat gure instituzioa egiteko, eta gure rola izanen da hautetsiak sostengatzea haien erabakietan, eta informazioa zabaltzea instituzioa lortzeko eta eraikitzeko. Gure iritzia eman behar genuke maiatzean edo ekainean lurralde xedeari buruz.

Zure irudiko, Garapen Kontseiluaren lana ezagutua da, edo zuen eragina hautetsietara mugatzen da?

Egia da Garapen Kontseiluaren komunikazioa pixka bat ezkutukoa izan dela. Justuki, biltzar nagusian proposatu nahi dut gure komunikazioa berritzea. Komunikazioan sakondu behar dugu, esplikatzeko publiko zabalari zer egiten dugun.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna