Kotte Ezenarro eta Chantal Cottencon dira lehen jalgitzen Hendaia kantonamenduan, bozen %29,49rekin. Aitzina ederra hartu diote Battitt Salaberri eta Maie Josee Goia eskuineko independente bikoteari (%18,39).
Hogei bozengatik hirugarren sailkatzen dira EH Baiko Pantxo Tellier eta Claire Legardinier (%13,62); haietarik hurbil dira eskuineko batasuneko Henri Levrero eta Sandrine Urtxuegia (%13,36).
Gibeletik heldu dira Fronte Nazionaleko Bruno Meric eta Veronique Laborde (%12,92). Azken biak Ezkerreko Frontea eta EAJkoak dira.
Bigarren itzulian, lehen bien artean jokatuko da kargua.
