Albistea entzun

EPELen Binakako Txapelketako finala

Bengoetxea VI.arentzat eta Untoriarentzat txapela

Berasaluze II.a-Zubieta bikoteari erraz irabazi diete: 22-7. Lau pilotarien artean, Bengoetxea nabarmendu da; defentsan zein erasoan bikain aritu da leitzarra. Untoriak ere segurtasun handia erakutsi du atzean. Binakakoan lehen txapela dute biek.

Bengoetxea eta Untoria, garaipena ospatzen./
Bengoetxea eta Untoria, garaipena ospatzen./ Argazki Press

Arnaitz Lasarte -

2015eko apirilak 27

Ruben Belokik aste honetan BERRIAri iragarri zion: "Bengoetxea VI-a eta Untoria dira faborito, baina gutxigatik". Pilotari ohiak nabarmendu zuen bikote urdina oso joko puntu "onean" iristen zela finalera, eta hori alde izan zezaketela gaurko lehian. Belokik esandakoa nabarmen erakutsi dute Bilboko Bizkaia pilotalekuan jokatutako partidan. Partidak hasiera gogorra izan badu ere (2-2, eta 4-4), hasi eta bukatu, nagusi izan dira Bengoetxea VI.a eta Untoria: 22-7 irabazi diete Berasaluze II.ari eta Zubietari. Bi pilotariek lehen txapela dute binakako txapelketan.

Lehen tantoetan partida estua izango zela zirudien. 4-4 jarri geroztik, ordea, kolore bakarra izan du partidak: urdina. 18 eta 3ko partziala egin dute txapeldunek. Alvaro Untoriak, bikain eutsi dio Aitor Zubietari, eta Oinatz Bengoetxea, txapelketa osoan bezala, nagusi izan da aurreko koadroetan. Defentsan aritu behar zenean eutsi, eta tantoa amaitu behar zenean bukatu egin du leitzarrak.  

Zalantzarik gabe, Bengoetxearen txapelketa izan da. Untoriaren lana ere goraipatzekoa da. Andoni Aretxabaletaren ordezko gisa sartu zen txapelketan, baina aurreko urteetan izandako gorabeherak ahaztuta, maila bikaina eman du errioxarrak.

Bengoetxea VI.a: "Kastarekin irabazi dugu"

Finala bukatu berritan zoratzen hitz egin dute irabazleek. "Oso pozik" agertu da Bengoetxea: "Asko borrokatu behar izan dugu txapel hau lortzeko. Kastarekin irabazi dugu". Partidari erritmo bizia jartzeko asmoarekin plazaratu direla azaldu du aurrelariak, eta lortu dutela esan du. Txapela eskeintzerakoan, etxekoak eta lagunak ez ezik, gogoan izan du Andoni Aretxabaleta ere.

Untoriarentzat ere "izugarria" izan da binakako txapelketa irabaztea: "Ametsa egi bihurtu da". Bere bikotearentzat ere hitz onak izan ditu. "Hitz guztiak soberan dauden Oinatzen inguruan. Pilotaria paregabea eta pertsona paregabea da. Esker hitzak besterik ez ditut berarentzat".

Galtzaileak ez dira ezkutatu, galdu arren. Berasaluzek II.ak esan du Bengoetxeak eta Untoriak "merezimendu osoz" irabazi dutela txapela. "Partida bikaina egin dute, hasiera hasieratik mendean izan gaituzte". Berriztarrak adierazi du, lanean jarraituko duela beste final bat jokatu ahal izateko. Aurrelariaren bide beretik mintzatu da Zubieta ere: "Ezin izan da". Untoriak, eta, batez ere, Bengoetxeak egindako jokoa goraipatu ditu Zubietak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Betiseko jokalariak, hirugarren gola ospatzen. Martin Agirregabiria ageri da, burumakur. ©JOSE MANUEL VIDAL / EFE

Karta gaztelu bat balitz bezala

Eñaut Agirrebengoa

Alavesek astindu handia hartu du Betisen zelaian, eta ezerezean gelditu zaio Mendilibarrekin lortzen ari zen hobekuntza. Atsedenaldira iristerako galdua zuen partida, atzean huts larriak egin ondoren
 ©IÑIGO URIZ / FOKU

«Arima eta fedea falta zitzaizkigun, baina buelta eman diogu egoerari»

Eñaut Agirrebengoa

Osasuna bere onera itzuli zen ligako azken partidan, Cadizi irabazita, eta, kapitainaren esanetan, «batasuna» izan da krisia eteteko gakoa. «Bilera egin genuen jokalariok, eta begiak ireki genituen». Celtaren zelaian jokatuko du gaur (19:00, La Liga).
Realeko jokalariak atzoko entrenamenduan. ©REALA

Kopa irabazteko aukerari neurria hartzeko balio duen kanporaketa da

Jon Ander De la Hoz

Realak Atletico Madril hartuko du gaur Anoetan, final-zortzirenetan. Isak ez da osatu, eta Imanolek deialditik kanpo utzi du
Iñaki Urrutia eta Dan Necol palistak, besoak gora, larunbatean Kutxabank liga irabazi ostean. ©ARITZ LOIOLA / FOKU

Elkarrekin garaiezinak dirudite

Iñaki Berastegi

Dan Necolek eta Iñaki Urrutiak hiru aldiz irabazi dute elkarrekin Kutxabank pala liga. Bi palisten iritziz, bikote «orekatua» osatzen dute, eta Bizkaia frontoia «aproposa» da haien jokoarentzat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.