Albistea entzun

EUSKARA

EAEko Udal Legea “urrats garrantzitsutzat” jo du Uemak

Udalerri euskaldunentzat "aukerak" handitu egin direla uste du mankomunitateak. Nafarroan ere gisa bereko pausoak eskatu dituzte.

EAEko Udal Legea “urrats garrantzitsutzat” jo du Uemak
EAEko Udal Legea “urrats garrantzitsutzat” jo du Uemak

Garikoitz Goikoetxea -

2016ko apirilak 19 09:06

Hamarkadetako atzera-aurreren ondoren, hileon onartu eta indarrean jarri dute EAEko Udal Legea. Udalen eskumenak eta finantzaketa argitu du arauak, eta euskararen arloan ere zehaztu du udalen joko esparrua. Besteak beste, udalei aitortu die hizkuntza politikarako eskumena, kontratuetan hizkuntza irizpideak sartzea ezarri du, erabat euskaraz egindako dokumentuak balekotzat jo ditu, eta hirigintza planek euskararentzat duten eragina aztertu beharra ezarri du.

Uema Udalerri Euskaldunen Mankomunitateak “balorazio positiboa” egin du legearen edukiaz. “Denbora luzean sukaldean aritu diren alderdien lana aitortu eta eskertu nahi dugu”. Josu Labaka lehendakaria buru, agerraldia egin dute Uemako zuzendaritzako kideek, Orion (Gipuzkoa). Hain justu, herri horretan egin dute lehen aldiz eragin linguistikoaren ebaluazioa, hirigintza planak alde soziolinguistikotik izango lukeen eragina aztertzeko.

Uemari zuzenean eragingo dion neurri bat ere badago Udal Legean: erabat bermatu du Ueman sartzeko eskubidea. Orain arte, trabak izan dituzte udal batzuek, Espainiako Gobernuaren ordezkaritzak auzitara eraman baitu Uemako kide izateko erabakia.

Udal Legean euskarari buruz jasotakoak “Uemak egindako bidearen eta lanaren isla” direla azaldu du Labakak, eta “urrats garrantzitsua” dela araua egin izana. Nafarroara begira ere jarri dira: “antzeko urratsak” eskatu dituzte han ere.

Udalentzat “aukerak” zabaldu dira Udal Legearekin, eskumenak zehaztuta. Zer egina badagoela nabarmendu du Uemak: “Lana ez da amaitu. Udalak euskaldunagoak dira orain, baina udalerri euskaldunak erdalduntzen ari zaizkigu”. Hori dela eta, arnasguneentzat “lege babes propioa” eskatu dute: “Euskaraz bizi nahi dugun herritarron eskubideek berdina beharko lukete Euskal Herri osoan, baina gaur egungo errealitate soziolinguistikoak hizkuntza politika ezberdinak egitea eskatzen du ezinbestean”.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Baheketa bat, artxiboko irudian. ©Jagoba Manterola / FOKU

Beste 132 kasu atzeman dituzte Hegoaldean, eta positibotasun baxuak jarraitzen du

Edu Lartzanguren

Bakarrik 12 gaixo gehiago hartu dituzte erietxeetan, eta ZIUetan ingresaturiko pertsonen kopuruak ere jaisten jarraitzen du.

 ©BERRIA

ESKOLATIK EUSKARAN MURGILTZEN

Ion Orzaiz

Euskal Herrian, euskarazko murgiltze ereduan ikasten dute ikasleen erdiek baino gehiagok, eta goranzko joera erakusten dute matrikulazio datuek. Hala ere, aldeak daude herrialde batetik bestera: Nafarroan eta Ipar Euskal Herrian, gutxiengo batek jotzen du euskarazko hezkuntzara.
Haurrak Gasteizko ikastetxe batean, artxiboko irudian. ©JUANAN RUIZ / FOKU

«Publiko-itunpeko dikotomia» gainditzea proposatu du EH Bilduk

Irati Urdalleta Lete

Hezkuntzaren alorrerako egindako proposamena onartu dute koalizioaren Konferentzia Politikoan. Besteak beste, ikasleen onarpen «irekia, justua eta gardena» egiteko sistema bat diseinatu du

 ©GUILLAUME FAUVEAU

Hiztunak lortzeko modu bakarra

Oihana Teyseyre Koskarat

Murgiltze eredua ezinbestekoa da hizkuntza gutxituen biziberritzerako; hala diote, behintzat, adituek. Nazioartean, Quebecen hasi, eta Europako herrialde zapalduetara zabaldu den eskolatze modua da, lekuan lekuko egoeretara egokituz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna