09:00ak inguruan atera da errigoitiarra Brievako kartzelatik. Kartzelako atarian zain zituen senide eta lagunak. 14:00 aldera herritarrek harrera egingo diote bere herrian, Errigoitin, txokoan. Arratsaldean, aldiz, Gernika-Lumoko Arranon elkartuko dira, 19:00etan.
Aske geratu da Jone Amezaga. Irudia: @BusturiaHitzahttps://t.co/TsGiF6Tm6Opic.twitter.com/yNORqppJtt
— Berria.eus (@berria) 2016(e)ko ekainak 11
2014ko abenduan atxilotu zuen Ertzaintzak Gernika-Lumon. Espainiako Auzitegi Nazionalak urte eta erdira zigortu zuen Amezaga "terrorismoa goratzea" egotzita. Hori ebazteko froga nagusia pankarta bati eusten zion zeloan topatutako hatz marka bat izan zen. Epaia berretsi ondoren, hamar eguneko epea eman zioten espetxean aurkezteko, baina Ertzaintzak hala eskatuta epe hori kendu zioten.
Zaballa (Araba), Soto Del Real (Madril) eta Brievako (Avila) espetxeetan izan da preso hemezortzi hilabeteotan. Bideoa: Atxiloketaren unea (Busturialdeko Hitza).
[Youtube]https://youtu.be/YXK9RqGry9Y[/Youtube]
