Albistea entzun

Ekonomia

Enpresei interesa agertzeko deialdia egin die Baionako Portuak

56 hektarea dauzka erabilgarri Baionan, Angelun eta Tarnosen, Aturri ibaiaren bi hegietan. Portuko trafikoa eta jarduera ekonomikoa bultzatzea dute helburu deialdiarekin.

Andre Garreta, MIGeko presidentea.
Andre Garreta, MIGeko presidentea. / Isabelle Miquelestorena

Maddi Ane Txoperena Iribarren -

2016ko ekainak 21

Baionako MIG Merkataritza eta Industria Ganbera eta Akitania-Limousin-Poitou-Charentes eskualdea eskuz esku ari dira ekonomia bultzatzeko lanetan, eta Baionako Portuan ezarri dute horretarako fokua. Hain zuzen, portuko industria eta merkataritza jarduerak azkartu nahi dituzte, eta, horretarako, 56 hektareako lurra jarri dute erabilgarri. Uztailera arteko interesa agertzeko deialdia egin diete enpresei Baionan, Angelun (Lapurdi) eta Tarnosen (Landak) dauden Aturri hegiko lurretan. Berrantolaturiko lurrak dira batzuk, eta bertze batzuk, kolektibitate publikoengandik eskuratuak.

Leku bakoitzean industria jarduera zehatzak erakarri nahi dituztela adierazi dute MIGeko kideek. Tarnosen 17 hektareako gunea dago, eta industria astuna erakarri nahiko lukete, bereziki. Baionako Saint Bernard auzoko 37 hektareatan transformazio arineko industria jarri nahiko lukete: elikagaien transformaziorako enpresak, erraterako. Eta Angeluko Blancpignoneko 2,5 hektareatan, berriz, portuko logistikari loturiko enpresak.

Interesaturiko enpresek uztailaren 15era arteko epea izanen dute deialdiari erantzuteko. Irizipideen artean, portuko trafikoarengan eragina izatea nabarmendu dute bereziki MIGeko kideek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urkullu Ingeteameko buruekin. ©BERRIA
Amiantoaren biktimen protesta, 2021ean, Espainiako Gorteen aurrean. ©Juan Carlos Hidalgo / Efe

Amiantoaren biktimen funtsa sortu dute, eskatu eta 11 urtera

Iker Aranburu

Eusko Legebiltzarraren eskaerari azkenean baiezkoa eman diote Espainiako Gorteek. Hasiera batean 25 milioi izango ditu funtsak

Abdulaziz bin Salman al-Saud Saudi Arabiako Energia ministroa, asteazken honetan Vienan eginiko bileran ©CHRISTIAN BRUNA (Efe)

LPEE Moskurekin lerrokatu da eta petrolio ekoizpena murriztuko du

Jokin Sagarzazu - Iker Aranburu

Erabaki «tekniko» bat dela argudiatu du taldeak, motelaldi ekonomikoak prezioan izan dezakeen eragina txikitzeko. Bi milioi upel gutxiago ekoiztuko dituzte, munduko produkzioaren %2 inguru

Petroliontzi bat San Petersburgon., ©Anatoli Maltsev / Efe

Errusiako petrolioaren prezioari muga bat jarriko dio EBk

Iker Aranburu

Saudi Arabiak, Errusiak eta LPEE+ taldeko ekoizleek bi milioi upel gutxiago merkaturatuko dituzte, salneurria igotzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.