euskal elkargoa
Euskal Elkargoak osoko bilkura eginen du Baionan, apirilaren 8an
Euskal Elkargoko 233 hautetsiak Baionan elkartuko dira. Egun horretararako iragarria da ETAren armagabetzea. Bakearen artisauek hartu dute armagabetzerako ekimena, eta hain justu igandean bete ziren 100 egun haiek atxilotu ostean, egiten ari ziren lana argitara atera zenetik. Apirilaren 8an bakearen artisauak milaka izango direla iragarri zuten.
Euskal Elkargoko kontseiluak osoko bilkura eginen du Baionan, apirilaren 8an. Ipar Euskal Herriko erakundeak izanen duen aurrekontua zehaztu beharra dute egun horretan. 233 hautetsiak Baionako fakultateko 400 anfiteatroan elkartuko dira, orain arte bezala.
Azpimarratzekoa da osoko bilkura apirilaren 8rako deitu izana, egun horretan iragatekoa delako ETAren armagabetze osoa, Baionan. Gaur-gaurkoz, bakearen artisauek ez dute zehaztasunik eman nahi izan egun horretarako prestatua dutenaz. Euskal Elkargoko hautetsi andanak babesa agertu zien Luhusoko operazioaren ondotik, Frantziako Gobernuari gatazkaren konponbidean urratsak egin zitzala eskatuta.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
