Noiz sortua: 2017-10-04 10:57:33

Musika

Urriaren 6tik goiti EHZk hainbat ekitaldi antolatuko ditu, tantaka

Ostiralean Pilt, Anestesia eta Zea Mays taldeek joko dute Ezpeletan. Euskal Herria Zuzenean festibaleko laguntzaileak barne gogoetan ari dira antolaketaren inguruan.

Urriaren 6tik goiti EHZk hainbat ekitaldi antolatuko ditu, tantaka
Urriaren 6tik goiti EHZk hainbat ekitaldi antolatuko ditu, tantaka

Joanes Etxebarria -

2017ko urriak 4

Uztailean egin ez zena hainbat saiotan deklinatuko du Euskal Herria Zuzenean festibalak, urriaren 6an hasirik, Ezpeletan antolatu kontzertuan. Pilt taldearen azken kontzertuaz eta Anestesiaren azken-aitzinekoaz gain, Zea Mays eta Biarritz Dance School taldeak ariko dira lehen saio horretan. Gerora gehiago izanen dira han-horka.

Uztailean euriak ito zuen hiru eguneko egitaraua tantaka antolatuko dute EHZ elkartekoek: "Gogoa genuen aski fite erakustea guk ere gauzak antolatzen genituela. Bestalde, loturan ginen hainbat talderekin festibalean jo behar zutenak edo ondotik gurekin harremanetan sartu direnak; beraz, horretaz baliatuz antolatu da", dio Jon Irazabalek. Elkartasun erauntsiaz mintzo da, hainbat jende ari izan baitzen haientzat “gauzak antolatzen".

Elkartasun bisaia desberdinak ukan dituzte ekitaldi horiek, Pauline Guelleren erranetan: “Biziki inportantea izan da, zinez, aktore desberdinek antolatu izana. Hastapen batean, gaztetxeek, Hazparne eta Kanboko gaualdiak gazteen esku izan ziren. Musikarien esku ere izan da, Anarik antolatu zuelako Donostiakoa, Errekaleorren ere izan zen, bertsolariak antolatu ziren Larrabetzuko saioa egiteko eta abar…”.

Beste gisa bateko festibala

“Erraten ahal da festibala beste manera batez egin dela, bai, argiki”. Irazabalek oroitarazi du joan den uztaileko lehen asteburua aitzin eta ondotik muntaketa egin zela, eta desmuntaketa ere bai, euripean. “Ohartu ginen jendea bazela prest euripean ere pasatzeko orenak eta orenak desmuntatzen”. Festibala ezeztatu beharra iragarri zutelarik, begitarteetan ageri zitzaien delibero zaila hartzen ari zirela. Baina hilabete zonbaitzuk joan ondotik, gertatu den guztiaz “biziki kontent” direla ziurtatu du Jon Irazabalek: “Kontent ginen, zeren azken finean transmititu nahi genituen balioak eta funtzionatzeko manera zabaldu baitira, eta jendeak bere egin baititu gure sostengatzeko beraien aldetik gauzak antolatuz”.

Preziatu duten beste keinu bat, Pauline Guellek azpimarratu duenaz, sarrerak festibalari emateko deiak izan duen arrapostua da; nahi zuenak sarreren sosa gibel ukan zezakeen, baina elkartasunez dirua elkarteari uztea galdetu zuten: “Anitzek ez dute dirua galdetu. Gainera, irrigarria da zeren anitzek, dirua gibel ematea galdetzen zutelarik, barkamena eskatzen ziguten erranez ‘barkatu, baina langabezian naiz'”.

Momentuko kolpeak jende andana bat ekarri zituen jaialdiko hiru egunak ezeztatu eta segidan egin ziren bilkura handietara, baina horrek ez du iraun, Guellen erranetan: “Ez da ahantzi behar proiektuak ere jendea galdegiten duela momentu zehatz batzuetan. Urtean zehar 50 bat laguntzaile gara, eta hiru egunetan 300, 600 edo 400, urteen arabera. Hori betitik hala da”.

“Festibala egin behar zen asteburu hartan bi gaualdi egin ziren segidan Hazparnen eta Kanbon. Biziki ontsa pasatu zirenak, eta giro onarekin. Donostiakoa ere izan zen igandean. Egutegia markatu dugula segur, eta festibala beste manera batez egin dela ere bai”. Hala dio Irazabalek.

Barne gogoetan

Uda honetakoa azken festibala izanen zela zioten zurrumurruez galdeturik, Irazabalek uste du arazo ekonomikoen berri eman zutelako gertatu zirela, baina ez zeukatela funtsik: “Gauza da festibala beti ari dela gogoetatzen eta beti geroari begira entseatzen dela eraldatzen. Aldaketak noiznahi gertatzen ahal dira, baina beti segituko du dinamikak, gogoetak ekarriko duen bidea segituz”.

Elkarteak berriki egin du biltzar nagusia, eta barne gogoetak bidea segitzen du. “Bereziki, bi galdera dira. Alde batetik, antolakuntza: nola antolatuko garen oraindik goiti eta gero zer antolatuko dugun”, Pauline Guellek zehaztu duenaz. Oraingoz, ez dute emaitzarik plazaratzeko.

Gogoeta bai, besta ere bai. Ezpeletari so jarriak dira elkarteko laguntzaileak orain: “Gaualdi eder bat izaten ahal da laguntzaileak eta publikoa berriz ere elkartzeko”. Guellen hitzen ondotik, festibalaren usaiari jarraikiz, laguntzaile eske hasi da Irazabal Ezpeletari begira: “Jende batzuk animatzen badira laguntzaile izateko, txanda bat egiteko, izanen da parada”.

Besterik ere izanen da. Durangoko Azokan sostengu gaualdi bat izanen da, eta igandeko kabalkadan, Bidarrain, festibalekoek taloak salduko dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna