Albistea entzun

Giza eskubideak

Maiatzaren 17a Homofobiaren eta Transfobiaren Aurkako Egun izendatzeko eskatu du Eusko Legebiltzarrak

Gaurko eguna, maiatzaren 17a, Homofobiaren eta Transfobiaren Aurkako Egun izendatzeko eskatu dio NBE Nazio Batuen Erakundeari Eusko Legebiltzarrak. Halaber, elkartasuna adierazi die beren aukera sexual eta identitarioen ondorioz bazterketa eta eskubideen urraketa jasaten duten milioika lagunei.

Berria -

2006ko maiatzak 17
1990eko maiatzaren 17an OME Osasunerako Mundu Erakundeak homosexualitatea gaixotasunen zerrendatik kendu zuen, eta, ondorioz, data hori Homofobiaren eta Transfobiaren Aurkako Egun izendatzea eskatzen dute mundu osoan hainbat elkarte eta erakundek. Eusko Legebiltzarrak bat egin du eskaera horrekin, eta erakundeko lehendakaritzak berak bultzatutako deklarazioa irakurri du bilkura hasi aurretik Izaskun Bilbao presidenteak. Hala, NBEri maiatzaren 17a Homofobia eta Transfobiaren Aurkako Egun izendatzeko eskatzeaz gain, elkartasuna adierazi die beren aukera sexual edo identitarioaren ondorioz bazterketa eta eskubideen urraketa jasaten duten milioika lagunei. Herritar guztiei eta, bereziki instituzioei, dei egin die homofobiaren eta transfobiaren kontrako jarrerak bultza ditzaten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...