Albistea entzun

Komunikazioa

Kattalin Minerrek, Danele Sarriugartek eta Maddi Altunak jaso dute Martin Ugalde beka

Urte bat dute ikerketa egiteko, eta ikus-entzunezko dokumental bat egingo dute. Euskaldunon Egunkaria-k eta BERRIAk genero gaietan zer eragin izan duen aztertuko dute.

Urtzi Urkizu -

2017ko azaroak 8

Euskaldunon Egunkaria-k eta BERRIAk genero gaietan zer eragin  izan duten ikertzeko, Martin Ugalde bekaren deialdia egin zuten maiatzean BERRIA fundazioak, Elkar fundazioak, Jakin-ek eta Martin Ugalde kultur parkeak. Bost proiektu aurkeztu dituzte —epaimahaiaren arabera, guztiak "maila onekoak"—, eta irabazleak Kattalin Miner Perez, Maddi Altuna Galfarsoro eta Danele Sarriugarte Mochales ikerlariak izan dira. Gaur arratsaldean jaso dute beka, Andoainen (Gipuzkoa), kultur parkean.

Minerrek azaldu duenez, hiru ardatz izango ditu haien ikerketak: «Batetik, genero ikuspegiak egunkariotan izandako ibilbidea aztertuko dugu kazetaritza ikuspegitik eta genero gaien trataeragatik. Azpimarra berezia egingo dugu irakurleengan izan duen eraginean». Minerren iritziz, BERRIAk lan berezia egin du lanketa feminista gizarteratzen. «Halaber, mugimendu feministak eta beste hartzaile batzuek bilakaera hori nola ikusi duten aztertuko dugu». Dokumental bat egingo dute, haimaika elkarrizketez osatua.

Ekitaldian, Izaskun Landaida Emakundeko zuzendariak, Alberto Barandiaran Hekimeneko zuzendariak eta Maite Asensio BERRIAko kazetariak parte hartu dute.

Landaidak Begira batzordearen nondik norakoak azaldu ditu. "Begiraren tresna guztiekin audientzia kritikoak sortzen lagundu nahi dugu. Ardura sozial handia dute hedabideei balioen eraikuntzan". Sortutako tresnen artean, garrantzitsuenetakoa Publizitate eta Komunikazio Ez-Sexistarako Kode Deontologikoa eta Autoerregulaziokoa da. "Bestetik, komunikabideen arteko sarea sendotzea garrantzitsua da. Hurrengo erronka sare bat sortzea da. Formakuntzarekin ere hasi gara agentziatan eta hedabideetan".

Asensiok nabarmendu du aipatutako kode deontologikoak giltzarriak ematen dituela emakumeen eta gizonen presentzia eta tratua parekatzeko: "Emakumeak gehiago agertu behar dira hedabideetan, eta beste modu batera, hobeto. Gomendatzen du emakumeen protagonismoa sustatzea, gizonen maila berean erakustea, emakumezko adituei ahotsa ematea, sektore feminizatuei eta maskulinizatuei garrantzia berdina ematyea, estereotipo sexistak saihestea, emakumeen fisikoari eta erakargarritasunari buruzko aipamenik ez egitea, hizkuntzaren erabilera sexista baztertzea, sexualitate ugariak islatzea eta genero ikuspegia beste diskriminazio osagai batzuekin gurutzatzea".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gaizka Izagirre eta Beñat Rodriguez ©'Gaztezulo'

Beste 100 kanta marraztu ditu Olrait Studiok

Urtzi Urkizu

Kantu eskukadak II liburua argitaratu dute Gaztezulo aldizkariak eta Olrait Estudiok. Badok-ek ere babestu du proiektua, playlista sortuz.

Larra-Belagua eski estazioa ©Larra-Belagua

Iritsi da eski denboraldia

Isabel Jaurena

Larra-Belagua eta Arette eski estazioak bisitariak hartzeko prest egonen dira bihartik aurrera.

Mahai inguruko partaideak, atzo, EHUren Leioako campusean. ©MONIKA DEL VALLE / FOKU

Euskararen xehetasunak

Amaia Igartua Aristondo

EHUko irakasleak dira, atzerritarrak, eta helduaroan euskaldunduak, lanagatik besteak beste. Euskara ikastearen esperientzia xehatu dute EHUk antolatutako solasaldi batean.
Joseba Ezkurdia eta Jokin Altuna, Lau eta Erdiko Txapelketako finalean, azaroaren 20an. ©ARITZ LOIOLA / FOKU

ETB2k %7,7ko ikusle kuota izan du azaroan, 2019ko udatik txikiena

Urtzi Urkizu

ETB1ek %1,9ko batezbestekoa du; lau eta erdiko finalak %24,5eko ikusle kuota lortu zuen

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...