Albistea entzun

Hainbat hautagairen parte hartzeko mugek baldintzatu dute kanpaina hasiera

Junts per Catalunyako eta ERCko hainbat hautagaik kanapaina espetxetik edo Belgikatik jarraitu beharrak islatu du gauerdian hasi den kanpainaren ezohikoa. Puigdemontek herritarrei eskatu die urriaren 1eko gertakariak gogoan dituztela joateko bozkatzera. Rovirak, berriz, ohartarazi du ERC dela PPri eta Ciudadanosi irabazi diezaiekeen alderdi bakarra.

Carles Puigdemont Kataluniako presidente kargugabetua, atzo, kanpaina hasierako ekitaldean zuzeneko konexioan. /
Carles Puigdemont Kataluniako presidente kargugabetua, atzo, kanpaina hasierako ekitaldean zuzeneko konexioan. / Susanna Saez/EFE

Berria -

2017ko abenduak 5 12:19

Indar independentisten kanpaina hasierako ekitaldi guztietan izan dira espetxean diren hautagaientzako elkartasun mezuak. Oriol Junqueras Kataluniako presidenteorde kargugabetu eta ERCko zerrendaburua, Joaquim Forn Barne kontseilari kargugabetu eta Junts per Catalunyako hautagaia eta Jordi Sanchez ANCko presidente ohi eta Junts per Catalunyaren zerrendako bigarrena izan dituzte gogoan. Baita haiekin batera espetxean den Jordi Cuixart Omniumeko presidentea ere. Atzo, laurentzako bermerik gabeko espetxeratzea berretsi zuen Auzitegi Gorenak. Aldiz, aske gelditu ziren Generalitateko sei kontseilari, 100.000 euroko bermea ordainduta. Haietako batek, Carles Mundo Justizia kontseilari kargugabetuak, ERCren ekitaldian parte hartu zuen.

Kapainan normaltasunez parte hartu ezinik da Carles Puigdemont Kataluniako presdiente kargugabetu eta Junts per Catalunyako zerrenda burua ere —Belgikan baita bere espetxeratzea sahiesteko—, baina kanpaina hasierako protagonistetako bat izan zen, Bruselatik, zuzeneko konexio bidez. Puigdemontek "memoria" galdegin du, eta urriaren 1eko erreferendumean izan ziren gertakariak gogoan hartuta bozkatzeko eskatu die herritarrei. Haren esanetan, independentismoak hauteskundeetan indar erakustaldia egitea lortzen badu, demokrazia geldiezina izango da eta independentzia eta errepublika gertuago egongo dira. Estatuaren beldurrik handiena JxCat-ek irabaztea dela ziurtatu du. Bere hautagaitzak irabaziz gero, Generalitatearen eta Espainiako Gobernuaren arteko elkarrizketa izango dela adierazi du.

Marta Rovira ERCko zerrendako bigarrenak bere hautagaitza aurkeztu du Ciudadanos eta PPri gailentzeko aukera bakar gisa —CIS Espainiako Ikerketa Soziologikoen elkarteak kaleratutako azken inkestak ERC jotzen du hauteskudeetako garaile eserlekutan, baina boto gehien Ciudadanosek lortuko dituela iragarri du—. Rovirak ohartarazi du independentismoak garaitzen ez badu "155aren blokea" indartuko dela. "Guztia eramango dute aurretik". Adierazi duenez, 155aren aldeko indarrek garaipena nahi dute "egin duten guztiari zilegitasuna emateko". Roviraren  esanetan, hauteskundeek prozesu subiranista indartzen ez badute, Madrilek 155a aplikatzen jarraituko du.

Carles Riera CUPeko zerrendaburuak ziurtatu du CUPek emaitza onak lortzen baditu "estatu kolpea indargabetu eta demokraziara itzultzea" posible izango dela. CUPek urriaren 1ean galdeketaren defentsan kalera atera ziren herritarrak omendu ditu kanpaina hasierako ekitaldian. Rierak "aldebakarreko bidea" defendatu du prozesua garatzeko, hori baita, haren iritziz, errepublika gauzatzeko "modu bakarra". Ohartarazi duenez, soilik estrategia horren alde egiten duen gobernu bat babestuko du CUPek.

Ines Arrimadas Ciudadanoseko hautagaiak nabarmendu du bere alderdia prest dagoela "kataluniar guztientzako" gobernatzeko. Ziurtatu duenez, abenduaren 21eko emaitzek prozesu subiranistaren amaiera ekarriko dute, eta aldaketa hori Ciudadanosek gidatu behar du.

Kataluniako egoera politikoaren norabidea aldatzeko prest aurkeztu da Miquel Iceta PSCko zerrendaburua ere. Independentismoaren "hondamendia" atzean utzi eta "konplizitateak josi" nahi dituela azaldu du, "elkarbizitza" sustatzeko. PSC da "egonkortasuna eskaintzeko moduko gehiengoa lor dezakeen bakarra", haren hitzetan.

"Ziklo berria" iragarri du Ada Colau Bartzelonako alkate eta Catalunya en Comuko zerrendako hautagaiak. "Prozesua bukatu da, agortuta dago", adierazi du. Haren esanetan, "blokeen politika" gainditzeko garaia da, eta Catalunya en Comu horretarako gakoa izango dela ziurtatu du Xavier Domenech zerrendaburuak. "Gobernuko eta parlamentuko giltza gure eskuetan dago. Giltza guztiona da, baina izen bat du: Catalunya en Comu".

"Abenduaren 21ean, a por ellos [haien bila]". Esaldi hori aukeratu du Xavier Garcia Albiol PPko zerrendaburuak hurbilekoak animatzeko. CISen inkestak beherazko joera izango dutela esan arren, "inkesta gaarrantzitsua" hauteskunde egunekoa dela nabarmendu du. PPren hautagaiak adierazi du bere alderdiak ordezkatzen duela "kataluniarren gehiengoaren esentzia".

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manifestarak, Alemaniako Datteln hiriko ikatz lantegi baten aurrean protestan, joan den maiatzean. ©FRIEDEMANN VOGEL, EFE

NBE: «Oraindik klima hondamendirako bidean gaude»

Gorka Berasategi Otamendi

Nazio Batuen Ingurumen Programak gaur aurkeztu duen txostenaren arabera, estatuek hartu dituzten azken konpromisoak urrun daude klima aldaketa bortitz bat saihesteko behar direnetatik. 2030erako isuriak erdira murriztu beharko liratekeela ohartarazi dute.

Erizain bat gizon bati txerto dosi bat jartzen, Johannesburgon (Hegoafrika). ©Kim Ludbrook / Efe

Afrikako Batasunak izurriaren aurkako 110 milioi txerto dosi jasotzeko akordioa egin du

Igor Susaeta

Moderna etxearekin egin du ituna kontinenteko 55 herrialde biltzen dituen elkarteak, AEBetako Gobernuak bideratuta. Afrikan, oraingoz  herritarren %5,23ri jarri dizkiete txertoaren bi dosiak.

Sudango Khartum hiriburuan atzo izandako protesta baten irudia. ©STRINGER / EFE

Militarrek esan dute trantsizioaren «bidea zuzentzen saiatzen» ari direla

Ander Perez Zala

Al-Burhanek adierazi du Sudanen ez dela estatu kolperik izan, eta azaldu du «laster» gobernu berri bat izango dela; Kontseilu Subiranoarentzat, hark du «autoritate legitimoa» oraindik ere. Armadak gutxienez zazpi lagun hil ditu manifestazioetan.

Sudango Kontseilu Subiranoa osatu duten bi sektoreen ordezkariak, 2019ko udan, gobernabide ituna sinatzen. ©EFE

Botere borrokan kateatuta

Ander Perez Zala

Sektore militarraren eta zibilaren arteko tirabira Sudango Kontseilu Subiranoa osatu zenetik egon da. Nola edo hala aurrera jarraitu dute, tentsioak eztanda egin duen arte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.