Albistea entzun

Europako Batasuna

Errefuxiatuak hartzeko kuotari buruz eztabaidatuko dute gaur EBko buruzagiek

Europako Batasuneko estatuetako agintari gorenek urteko azken bilkura eginen dute Bruselan. Brexit-a, defentsa eta ekonomia izanen dituzte bertze eztabaidagai nagusiak.

Iheslari talde bat Eslovenia eta Australia arteko muga gurutzatzen. /
Iheslari talde bat Eslovenia eta Australia arteko muga gurutzatzen. / Gyorgy Varga/EFE

Mikel Rodriguez -

2017ko abenduak 14 17:54

Europar Kontseiluak defentsari buruzko eztabaidarekin hasiko du gaur urteko azken bilkura. Iragan azaroaren 13an EBko 23 estatuk erabaki zuten defentsa politika koordinatzeko erakunde bat sortzea (Pesco izenekoa, ingelesezko akronimoarekin), eta gaur espero da ofizialki ezarriko dutela agentzia militar hori. Gaurko agendaren arreta nagusia errefuxiatuak hartzeko kuota banaketak erakarriko duela espero da, estatu batzuek espero baitute ofizialki baztertuko dituela Europar Kontseiluak.

Donald Tusk Europar Kontseiluko presidenteak egindako adierazpen batzuek sortu dute uste hori, 28 estatuei bidali dien eskutitz batean erran baitu kuoten auziak EBko estatuak "banatu" egiten dituela, eta zalantzan paratzen du erabaki horren eraginkortasuna. Frans Timmermans Europako Batzordeko presidenteordeak ukatu egin du neurri hori bertan behera utziko dutenik. Hala ere, Peter Szijjarto Hungariako Atzerri ministroa pozik agertu da Tusken eskutitzarekin. "Derrigorrezko kuotak ezartzea zentzu komunaren, Europako arauen eta kontinenteko segurtasunaren aurkakoa da", adierazi dio MTI agentziari. 

Europar Kontseiluak 2015ean erabaki zuen Italiara eta Greziara ailegatu ziren errefuxiatuetatik 160.000 EBko kideen artean banatzea, estatu bakoitzaren biztanleriaren, BPG barne produktu gordinaren, langabezia tasaren eta bertzelako eragileen arabera kalkulatutako kuotetan banatuta.  Plana betetzeko epea joan den irailean amaitu zen, baina 30.000 inguru hartu dituzte bakarrik. Azken urteotan Europara ailegatu diren errefuxiatu guztiak kontuan hartuta, hagitz kopuru txikia da —aurten 160.000 ailegatu dira IOM Munduko Migrazioen Erakundearen arabera, eta, iaz, 350.000 inguru—. Europako Batzordeak hilaren 7an Europako Batasuneko Justizia Auzitegira jo zuen Hungariaren, Poloniaren eta Txekiar Errepublikaren aurka, kuoten arabera dagozkien errefuxiatuak hartzeari uko egin diotelako.

Brexit-a

Bihar bukatuko da EBko estatuetako agintari gorenen bilkura. Brexit-aren negoziazioen lehenbiziko faseko emaitzei oniritzia emanen diotela espero da, eta bigarren fasea negoziatzen hasteko irizpide batzuk ezarriko dituztela. Theresa May Erresuma Batuko lehen ministroak ez du parte hartuko biharko bilkuran. Gaur, hitza hartuko du afarian, eta bertze buruzagiei eskatuko die lehenbiziko fasean hitzartutakoa onartzeko, bigarren faseari ekin ahal izateko. Brexit-aren auzia dela-eta etxean kolpe gogorra jaso ondoren ailegatuko da May Bruselara, bere nahien aurka, Erresuma Batuko Komunen Ganberak erabaki baitu EBrekin batasuna uzteko behin betiko akordioa lortuz gero, Erresuma Batuan hori onartzeko azken hitza parlamentariek izatea, eta ez gobernuak. Alderdi Kontserbadoreko 11 diputatuk oposizioko alderdiekin bat egin zuten, eta horren ondorioz galdu zuen bozketa lehen ministroak. Stephen Hammond Alderdi Kontserbadoreko buruzagiordea izan zen horietako bat, eta Mayk kargutik kendu du.  

Atzerri politika eta ekonomia

Bertzelako gaiei dagokienez, gaur atzerri politikako bi gairi buruz mintzatuko dira: AEBek Jerusalem Israelen hiriburutzat onartzeko hartu duten erabakiaz, eta Ukrainako gerraz. Jerusalemi dagokionez, Federica Mogherini EBko diplomazia arduradunak aste honetan Bruselan Benjamin Netanyahu Israelgo lehen ministroari erran dio 28 estatuek "aho batez" erabaki dutela ez dutela bat eginen AEBekin, eta Europar Kontseilua Mogherinik errandakoa berrestekoa da —hedabide anitzetan argitaratu da Txekiar Errepublika prest legokeela Jerusalem Israelen hiriburutzat onartzeko—. Ukrainari dagokionez, EBko agintari gorenek eztabaidatuko dute Errusiari zigorrak bertze sei hilabeterako luzatzeari buruz, hura baitute gerraren erantzuletzat.

Bihar, berriz, batasun ekonomikoaren eta euroaren etorkizuna bermatzeko neurriei buruz eztabaidatuko dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernando Grande-Marlaska Espainiako Barne ministroa, gaurko agerraldian, Espainiako Kongresuan ©J.C. Hidalgo / EFE

Grande-Marlaskak berriz esan du Espainian ez zela inor hil Melillako hesia igarotzeko ahaleginean

Ander Perez Zala

Espainiako Barne ministroak Guardia Zibila defendatu du, argudiatuta segurtasun indarren erantzuna «proportzionala» izan zela. Ikerketa batzuen arabera, gutxienez lagun bat hil zen Espainian sartzean.

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia - Maddi Iztueta Olano

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.