Katalunia

Forcadell ez da legebiltzarreko presidente izango

Berak erabaki du kargu horretara berriz ez aurkeztea: "Erabakia pertsonala izan da".

Forcadell, artxiboko irudi batean. /
Forcadell, artxiboko irudi batean. / Quique García/Efe

Berria -

2018ko urtarrilak 11

Carme Forcadellek berak prentsaurrekoa eman du ez dela aurkeztuko jakinarazteko. Ez dela aurkeztuko XII legegintzaldian Kataluniako Legebiltzarkideko presidente izateko. ERCren zerrendan aurkeztu zen bozetara, eta diputatu aulkia eskuratua du. Legegintzaldi honetan aulki horretan gelditzea erabaki du. Egindako lanaz harro agertu da: "Legebiltzarrean eztabaida libre izatea bermatu dugu". Beti adierazpen askatasunaren alde egin dutela dio.

Aurreko legegintzaldian bai, bera izan zen presidentea, eta orduan egindako lanagatik bere kontrako auzibidea irekita dago, matxinada egotzita. Oposizioak hala egin nahi ez zuen arren, ahalbidetu egin zituen errepublikara bidean egindako hainbat eztabaida eta ekimen. Lege egituretatik abisuak ere jaso zituen, baimentzera zihoan hainbat eztabaidak ez zutela Espainiako legedian kabidarik, baina hark aurrera jarraitu zuen, argudiatuta eztabaida demokratikoa ezin dela legez kanpokoa izan.

"Motza baina bizia" izan den legegintzaldiaren balantzea egin du Forcadelek prentsaurrekoan. "Bi urtean 26 lege onartu dira". Nolanahi ere, Espainiako Auzitegi Konstituzioanalak lege horietako asko baliogabetu egin dituela salatu du, eta azpimarratu du horrek argi erakutsi duela marko autonomikoak mugak dituela.

Espainiako Gobernuak hitzari eta elkarrizketari "beldurra" diela argi gelditu da, haren arabera; baina pozik dago, elkarrizketari bide eman diotelako. Horretarako legebiltzarreko mahaiko gainerako kideen papera ere ezinbestekoa izan dela ekarri du gogora, eta eskertuta agertu da bera bezala auzipetuta dauden kideekin.

Hitzaldi telematikorik ez

Carles Puigdemontek inbestidura saioko hitzaldia telematikoki egitea da Junts per Catalunyak eta ERCk mahai gainean duten aukeretako bat; Skype bidezko bideo konferentzia baten bitartez egitea alegia. Espainiako Gobernuak, baina, hori egiteko modurik ez dagoela esan du.

Kataluniako Legebiltzarreko arautegia eta beste hainbat arautegi aztertu du Espainiako Gobernuak, eta ohartarazi du, ezin dela hitzaldia telematikoki egin. Bertan egon behar duela hitzaldia egiten duenak, eta hautagaiak berak egin behar duela hitzaldia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna