Bi lagun Frantziako militar talde bat harrapatzen saiatu dira auto batekin, Grenoble hiritik gertu dagoen Varces herrian (Frantzia). Ez dute inor zauritzea lortu, eta erasotzaileak atxilotu egin dituzte.
Varcesko kuartel militarraren ondoan gertatu da erasoa, militarrak entrenamendu saioan korrika egitera irten direnean. Autoaren barruan ziren gizon batek eta emakume batek militarrak iraindu eta mehatxatu dituzte, informazio ofizialen arabera. Segidan, militarrak harrapatzen saiatu da gidaria, eta ihes egiten saiatu dira. Varceseko alkateak azaldu duenez, ihes egin aurretik autoaren matrikula identifikatu dute, eta horrek erraztu egin du erasotzaileen atxilotzea.
Frantziako armadatik adierazi dute ez dakitela oraindik zein izan den erasotzaileen motibazioa.