BIHAR BERRIAN

Etxe bat, norberarena?

Krisiak goitik behera kolpatu ditu jende multzo zaurgarrienak, tartean, gazteak. Lan baldintza prekarioek euren bizitzetan zein eragin duten aztertuko du Bizigiro sailak biharko gehigarrian, emantzipaziotik hasita.

Etxebizitzak saltzeko kartel bat, Donostian
Etxebizitzak saltzeko kartel bat, Donostian Jon Urbe / FOKU

Maialen Unanue Irureta -

2018ko apirilak 6

Krisiak herentzian utzitako ondarearen parte bat aletuko dute Felix Arrieta soziologoak, EGK-ko Enplegu eta Etxebizitza teknikari Jon Bergaretxek eta Aitzinako Etxebizitza lantaldeko Hegoa Bañosek. Alokairua edo jabetza izaten dira etxe bat hartzeko aukera nagusiak, baina badira bestelako ereduak ere: zentzu horretan, Donostian sortu duten Abaraska proiektuko Nahiko Arraizak azalduko du etxebizitza kolaboratiboak zertan diren, eta nola planteatzen duten jabetza eredu berri bat, kolektiboa izango dena.

Bestelako gaiak ere landuko ditu Bizigiro-k biharko egunkarian. Batetik, Mendiak eta Herriak elkarteak udazkenean egingo duen espedizio baten berri emango du: hizkuntza eta mendia ardatz, Euskal Herriko hamabost gazte eta hamar sherpa gazte elkartuko dituzte Everest inguruan trekking egiteko eta Felipe Uriarte izango dute gidari. Bestetik, Gontzal Agote zinema kritikariak Franck Gastambideren Taxi 5 pelikulaz hitz egingo du zinema orrian.

Astebururako proposamenak ere ez dira faltako gehigarrian: Gernikako (Bizkaia) Bakearen Museoak 20. urteurrena du, eta bonbardaketa aurretik herria nolakoa zen irudikatuko dute, 11:30etik aurrera. Ez dute "betiko" birsortze bat egin nahi, baizik eta "atzeragoardian eguneroko bizitza nolakoa zen" islatu nahi dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna