Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Sanferminak

Berri Txarrak sanferminetan ariko da uztailaren 8an

Txupinazoa botatzeko hautagaiak ere aurkeztu dituzte: 'Rastrojo' unaia, Motxila 21 taldea, Los Amigos del Arte musika elkartea eta Chrisallys Nafarroa elkartea

Iruñeko Udaletxe plaza txupinazoaren unean, 2016ko uztailaren 6an
Iruñeko Udaletxe plaza txupinazoaren unean, 2016ko uztailaren 6an Idoia Zabaleta

Iker Tubia -

2018ko maiatzak 25

Geroz eta gertuago dira sanferminak, eta gaur hainbat berri argitara eman ditu Iruñeko Udalak. Alde batetik, Foruen plazako kontzertuen berri eman du. Aurten ere, asteburuan baizik ez da kontzerturik izanen plaza horretan. Uztailaren 6an La Pegatina eta Los Caligaris taldeek joko dute, uztailaren 7an Iseo & Dodosound with the Mousehunters eta Nathy Peluso taldeek, uztailaren 8an Berri Txarrak eta Jupiter Jon, eta uztailaren 13an Talco eta Bad Gyal. Berri Txarrak taldeak Infrasoinuak diskoa aurkeztuko du Iruñeko kontzertuan.

Bestalde, iruindarrek sanferminetako txupinazoa nork botako duen aukeratu beharko dute heldu den hilabetean. Ekainaren 7tik 21era eginen da bozketa, eta Iruñean erroldaturik dauden 16 urtetik gorakoek izanen dute botoa emateko aukera. Profil ezberdineko hautagaiek izanen dute txupinazoa botatzeko aukera. Motxila 21 Downen sindromea duten musikariek osaturiko taldea da, Chrisallys haur eta nerabe transexualen gurasoen elkartea, Los Amigos del Arte ehun urte bete dituen musika elkartea eta Miguel Araiz Rastrojo iaz erretiratu zen unaia, 45 urtez entzierroetan lanean aritu dena.

Hautagaiak sanferminetako mahaian biltzen diren elkarteek aukeratu dituzte. Bost proposamen baino gutxiago zeudenez, lau horiek zuzenean pasatu dira azkenengo fasera. Botoa Internet bidez, Iruñeko Udaleko hiritarren arretarako zenbakira deituta edo Civivox zentruetan eman daiteke ekainaren 7tik aurrera. Ekainaren 22an jakinen da uztailaren 6ko eguerdian nor aterako den udaletxeko balkoira suziria piztu eta bestari hasiera emateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Darth Vader eta haren soldaduak, Antiguatik udaletxera bidean. ©BERRIA

Elkartasunaren indarra lagun

Jakes Goikoetxea

'Star Wars' filmen sagako pertsonaien erakusketa eta desfilea egin dituzte Donostian. Zaleen Pink Force fundazioak antolatu ditu, Gipuzkoako Odol Emaileen Elkartearen alde.
 ©IÑIGO URIZ / FOKU

«Elkarte askotan konpromisorako urratsa egitea kostatzen da»

Iker Tubia

Pedagogia aktiboaren bueltan aritu da Bobes; batez ere, hezkuntza araututik kanpo. Emakumeen ahalduntzerako herri kultur-zentroetan aritu da jo eta su, eta hamaika elkartetan. Emakumeez, feminismoaz, ibilitakoaz eta erronkez mintzatu da.
 ©JAGOBA MANTEROLA / FOKU

«Entzundako zerbaitek norbaiti balio baldin badio, zoragarri»

Jakes Goikoetxea

Hamabi bideo elkarrizketako proiektu bat abiatu du, aurrera egiteko tresnak bilatzeko asmoz, besteek egindako bidetik ikasteko asmoz. Enpatian eta konfiantzan oinarritutako solasaldiak dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.