BIHAR BERRIAN

Nora doa bizikleta publikoa?

Euskal Herriko hiriburuetan bizikletak alokatzeko zerbitzu publikoak euren burua berriz asmatu nahian dabiltza. Sistema garestiak dira, oso, eta mugikortasun adituek esaten dute badela garaia norberaren bizikletaren erabilera bultzatzeko, udal zerbitzuetan dirutzak gastatu beharrean. Horixe izango da Bizigiro saileko gehigarriaren gai nagusia.

Artxiboko irudia.
Artxiboko irudia. Monika del Valle / FOKU

Berria -

2018ko ekainak 1

Gasteizen aitzindariak izan ziren bizikleta publikoen sistema ezartzen, baina 2012an bertan behera utzi zuten. Baionan bizikleta elektrikoak alokatzen dituzte, baina erabiltzaileek gero eurena erostera bultzatzeko asmoz. Donostian, ezinean dabiltza agindu zuten zerbitzua emateko, kostuarengatik, eta Txinan abiaturiko sistema jartzeko plana egiten ari dira: sakelakoen teknologia erabilita, ainguraleku gehiago eta merkeagoak izango dituzten bizikletak zabaldu nahi dituzte.

Horrez gain, bestelako gaiak ere landuko ditu Bizigiro-k. Batetik, Astigarragako (Gipuzkoa) Astarbe sagardotegiaren ospakizuna: 455. urte bete ditu, eta festa antolatu du biharko. Gainera, SagarArte galeria atondu dute jantokian, artea eta sagardoa uztartuz. Bestetik, Jurassic Park-en azkena landuko du Gontzal Agotek zinema orrian, Jurassic Park: Fallen Kingdom. Gastronomia orrian, berriz, Iker Markinezen eta Roberto Sarriugarteren gomendioak izango dira.

Astero bezala, asteburuko proposamenak bilduko ditu gehigarriak: Enaden Begiak jardunaldiak egingo dituzte Ean (Bizkaia) eta izen bereko fundazioa aurkeztuko dute. Gastronomiari lotutako beste hainbat ere izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna