Polizia operazioa Altsasun

Krudelkeriari erantzun bateratua emateko deia egin dute Altsasuko gurasoek

Salatu dute isunak eta salaketak jarri dizkietela gazteei eta gurasoei elkartasuna adieraztera gerturatu diren herritarrei. Gaitzetsi dute justizia ez dela berdina denentzat.

Altsasuko gazteen gurasoen agerraldia. /
Altsasuko gazteen gurasoen agerraldia. / BERRIA Tamaina handiagoan ikusi

Joxerra Senar -

2018ko ekainak 5

"Gorroto dinamika batera eraman nahi gaituzte, baina ez gara haiek bezalakoak", salatu du Idoia Goikoetxeak, urte eta erdi honetan gazteei babesa eta elkartasuna eman dien herri mugimenduko kideak. Iñaki Abad, Aratz Urrizola, Jon Ander Cob eta Julen Goikoetxea atzeman ditu goizean Guardia Zibilak eta Madrilera eraman, Auzitegi Nazionalaren aginduz. Horren aurrean erantzun bateratua ematera deitu dituzte gurasoek herritarrrak eta eskatu diete parte har dezatela iluntzean herriz herri egitekoak diren mobilizazioetan eta baita ere ekainaren 16rako Iruñean antolatu dute manifestazioan.

Goikoetxeak salatu du gazteak atxilotzearekin nahikoa ez, eta haiei elkartasuna adieraztera joandako herritarrren aurka ere egin dutela guardia zibilek: "Muntaia hau abiatu zutenetik argi geratu da justizia ez dela berdina denentzat. Atxilotu eta kartzelaratu nahi dituzte ihes egiteko arrisku baten aitzakian, eta elkartasuna adieraztera joan garen herritarrak identifikatu eta mehatxatu gaituzte, borrekin jo eta isunak jarri dizkigute".

"Erantzuna esajeratua eta mingarria" izan dela gaitzetsi dute. Altsasuko herriari gaur 20:00etan erantzutera dei egin diote, baita Nafarroa eta Euskal Herri osoari ere. Horrekin batera eskatu diete eragile sozial eta politikoei antola ditzatela mobilizazioak euren esparruetan. "Asko gara, geroz eta gehiago, eta haiek soilik indar erakustaldian eta justizia eza dute. Erantzun argi eta indartsua emateko unea da".

Hala dio irakurri duten agiriak:

Altsasuko gazte zigortuen gurasoek irakurri duten agiria ekainaren 5ean

Atxiloketek gaitzespen ugari eragin dituzte. Operazioa "neurrigabea" izan dela salatu du Nafarroako Gobernuak eta "justizia" eskatu du Altsasuko alkateak. Jaurlaritza, ordea, ez da kritikekin bat etorri eta epailearen erabakia "errespetatzen" duela adierazi du.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna