Arrauna

Urdaibaik eskuratu du Eusko Label ligako lehen bandera Bilbon

Hondarribia izan da bigarren, Santurtzi hirugarren, Zierbena laugarren eta Donostiarra bosgarren.

Urdaibaiko arraunlariak Eusko Label ligako lehenengo bandera lortu dutela ospatzen, gaur, Bilbon. /
Urdaibaiko arraunlariak Eusko Label ligako lehenengo bandera lortu dutela ospatzen, gaur, Bilbon. / Miguel Toña/EFE

Berria -

2018ko ekainak 24

Lehia estua iragarrita zegoen aurtengo denboraldirako, eta Eusko Label ligako lehenengo banderak erakutsi du aurreikuspena ez dela funtsik gabea izan. Urdaibai iazko txapeldunak eskuratu du Bilboko IX. bandera, eta iaz haren aurkari gogorrena izan zen Hondarribia sailkatu da bigarren, bi segundora. Faboritoek hartu dituzte lehen bi postuak. Sailkapeneko hurrengo postuetan, ordea, sorpresa ugari izan da.

Maila gorenera igo berri den Santurtzik lortu du hirugarren postua. Hondarribiko Ama Guadalupekoarengandik 32 zentesima eskasera gelditu da. Igoberria den Donostiarrak ere estropada bikaina egin du, eta bosgarren izan da, Zierbenaren atzetik. Urdaibaik baino lau segundo gehiago behar izan ditu Zierbenak estropada bukatzeko, eta zortzi gehiago Donostiarrak.

Ondoren sailkatu dira Orio (bederatzi segundora), Cabo (11 segundora), Ondarroa (21 segundora), San Pedro (25 segundora), San Juan (38 segundora), Tiran (43 segundora) eta Kaiku (48 segundora).

Hona Bilboko banderako sailkapena:

1. Urdaibai 19.34:54 (12 puntu)
2. Hondarribia 19.36:56 (11)
3. Santurtzi 19.36:88 (10)
4. Zierbena 19.38:78 (9)
5. Donostiarra 19.42:84 (8)
6. Orio 19.43:80 (7)
7. Cabo 19.45:66 (6)
8. Ondarroa 19.55:98 (5)
9. San Pedro 19.59:56 (4)
10. San Juan 20.12:56 (3)
11. Tirán 20.17:12 (2)
12. Kaiku 20.22:92 (1)

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna