Triatloia

Euskaraz hitz egiteagatik kanporatua izan dela salatu du triatleta batek

Larunbatean izan zen gertaera, Donostiako triatloian. Federazioak salaketa ukatu du.

Ainara Arratibel Gascon -

2018ko ekainak 25

Larunbatean Donostian egin zen emakumeen triatloian euskaraz hitz egiteagatik lasterkari bat deskalifikatu zutela salatu dute. Lasterketan parte hartu zuten bi pertsonak egin dute salaketa, lasterketaren epaile batek gaztelaniaz hitz egitera behartu nahi izan zituela adieraziz.

Lasterkarien bertsioaren arabera, triatloian parte hartu ahal izateko mahaira bertaratu  zirenean eman zen gertakaria. Azaldu dutenez, euren artean euskaraz hitz egiten ari ziren, eta lasterketako epaileetako batek gaztelaniaz hitz egin behar zutela esan zien. Beraiek euren artean hitz egiten ari zirela, eta euskaraz mintzatzeko eskubide osoa zutela erantzun zuten. Ondoko epaile batek hitza hartu zuen une horretan, haiei gaztelaniaz zuzendu behar zirela adieraziz.

Bi lasterkarietako batek lasterketa bukatzerakoan berarekin gaiaren inguruan hitz egingo zuela esan zion epaileari, eta horri erantzunez, triatloiaren txartel gorria atera zion eta lasterkaria probatik kanporatu zuen, errespetua galdu ziola argudiatuz.

Federazioak salaketa ukatu du. Haren arabera, epaileak gaztelaniaz hitz egiteko eskatu zion bi partaideetako bati, euskara ulertzen ez zuelako. Hark, ordea, berak euskaraz hitz egingo ziola erantzun zion epaileari, eta tentsio uneak izan ziren. Federazuiaren arabera, lasterkariak epailea mehatxatu egin zuen, eta horregatik kanporatu zuen.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
S: