Albistea entzun

Gastronomia

Hautatu dituzte Basque Culinary World Prize sariko hamar finalistak

Aurtengo irabazlearen izena hilaren 24an jakinaraziko dute Italian, Modena hirian.

Urtzi Urkizu -

2018ko uztailak 2

Gaur arratsaldean ezagutarazi dituzte Basque Culinary World Prize 2018 sariko hamar finalisten izenak —saria Eusko Jaurlaritzak eta Basque Culinary Centerrek ematen dute, Euskadi-Basque Country estrategiaren barnean—. Honako hauek dira hamar sukaldari finalistak: Anthony Myint (AEB), Caleb Zigas (AEB), Dieuveil Malonga (Kongo), Ebru Baybara Demir (Turkia), Heidi Bjerkan (Norvegia), Jock Zonfrillo (Australia-Eskozia), Karissa Becerra (Peru), Marc Puig-Pey (Katalunia), Matt Orlando (Danimarka-AEB) eta Virgilio Martinez (Peru). New Yorkeko Cosme jatetxean eman dituzte argitara izenak.

Aurkezpenean, honako hau esan du Bittor Oroz Eusko Jaurlaritzako Nekazaritza, Arrantza eta Elikagaien Politikako sailburuordeak: "Euskadi-Basque Country estrategia integralaren barruan kokatzen da saria, eta haren xedea da euskal gizartearen balio komunak, hala nola ahaleginaren kultura, konpromisoa, hobetzeko gaitasuna, bokazio berritzailea eta lehiakorra, eta emakume eta gizonentzako aukera berdintasuna Euskadiren irudiari lotzea, nazioarteko gure aurkezpen txartela izan daitezen".

Epaimahaiburua Joan Roca izango da, Celler de Can Roca jatetxeko chefa. Saria irabazten duenak 100.000 euro eskuratuko ditu, sukaldaritzaren ahalmen eraldatzailea adierazten duen proiektu baterako dohaintzan eman ditzan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Kantatzea barruan dudana botatzea da»

Iraia Irazusta Mujika

Kontzertu bat emango du gaur Donostiako Aste Nagusian Larrañagak. Neo-soul doinuetan murgilduta, lehenengo diskoko eta lan berriko doinuak entzuteko aukera egongo da Bulebarrean.
1 ©JON URBE / @FOKU

Hogeigarrenez abordatu dute piratek Donostia

Amaia Jimenez Larrea Jakes Goikoetxea

Donostiako Piratek Kontxako badia abordatu dute bi urteren ondoren. Berrehun bat baltsa atera dira guztira, eta jende ugari ibili da bai uretan, bai lehorrean
Jendetza bildu ohi da festen hasieran Laudion. ©LAUDIOKO UDALA

Dantzaz beteriko festak

Maixa Utrera Puelles

Martxan dira Laudioko San Roke jaiak, Jabier Artetak txupinazoa bota eta agurra irakurri ostean. Bi txandatan egingo dituzte jaiak: lehen txanda, bihar arte; ondoren, hilaren 24tik 28ra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...