Albistea entzun

Euskarabentura

Asteburua Nafarroan igaro du Euskarabenturak

San Fermin egunez Iruñean izan ziren espedizioko 110 gazteak. Ortzeguna bitartean Nafarroako lurretan ibiliko dira.

Espedizioko gazteak Zubirira bidean.
Espedizioko gazteak Zubirira bidean. Euskarabentura./ Tamaina handiagoan ikusi

Ainhoa Larretxea Agirre -

2018ko uztailak 9 12:28

Asteburua Iruñean egon ondoren, Nafarroa hegoalderako bidea hartu du Euskarabentura espedizioak. Ortzeguna bitartean, Nafarroan ibiliko dira; Lizarra, Los Arcos eta Vianatik igaroko dira bertzeak bertze. Atzo, Iruñetik Gareserako etapa egin zuten, eta, gaur, Garestik Lizarrarako bidea egiten dabiltza gazteak. Uztailaren 1ean Maule-Lextarren hasita, 31 egunez Euskal Herria gurutzatuko dute. Olatz Silva BERRIAko kazetaria gazteekin da abenturan, eta eguneroko kronika egiten ari da blogean.

Eguraldi ona lagun, Gares atzean utzi eta Lizarrara bidean dira gazteak. Atzo arratsaldean iritsi ziren Garesera; bertan zain zuten Koldo Colomo Garesko euskara teknikaria. Nafarroa hegoaldeko euskararen egoeraren berri eman zien teknikariak.

Garesera heldu baino lehen ordea, larunbatean, Zubiritik Iruñerako 24 kilometroko etapa egin zuten. Arratsaldean, Iruñeko sanferminetan egon ziren gazteak; Nafarroa Oinez-en txokoan egon ziren, eta, bideoan ikus daitekeen bezala, ederki ibili ziren jaietan. Euriak ez zuen gazteen festa nahia zapuztu.

Sormena lantzea da espedizioaren helburuetako bat. Horretarako, disziplina ezberdinetako artisten tailerrak izan zituzten joan den ortzegunean Orreagan: Odei Barrosok hitza landu zuen; Ximun Fuschek, eszenografia; Ander Lipusek, ahotsa; Myriam Perezek, gorputz adierazpena; eta Kattalin eta Peter Ansorenak, inprobisazioa. Datozen egunetan, gazte bakoitzak tailerrean ikasitakoa bertze gazteekin partekatu beharko du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kaskezurra agerian, esperimentuetako batean. ©BERRIA

Zentzumenek nola engainatzen duten erakutsi dute Urteko Irudipen Onenaren lehiaketan

Edu Lartzanguren

Neural Correlate Society neurologo eta artista taldeak aurtengo lilurapen onenak zeintzuk diren ebatzi du, eta Harry Potterren

 ©JAGOBA MANTEROLA / FOKU

«Hilarri bakoitza mundu bat da orain»

Iker Tubia

Etxeko lanari segida ematea erabaki zuenetik, hargin eta ehorzketa lanetan aritzen da Soule. Droneak bestelako ikuspegia ematen dio, baita lanak ere: «Heriotzaz gehiago solastatu behar dela uste dut».
Txokolatezko txalupa bat itsasoratu du gaur Albaolak

Txokolatezko txalupa bat itsasoratu du gaur Albaolak

Berria

Gozo Artisauen Elkarteak egindako eraikuntzak flotatzea lortu dute.

Ogirik gabe jateak gosea ez asetzea eragiten die batzuei, antropologia sozialak dioenez. ©BERRIA

Gosearen memoria kolektiboa

Naroa Torralba Rodriguez

Espainiako gerraren ondorengo gose garaiak ditu ikergai Gloria Romanek. Elkarrizketa saio batzuk egin zituen gerraostean haur izan zirenekin, eta artikulu bat idatzi du ogiak eta gozoek haien memoria indibidualean duten garrantziari buruz. Laburpena egin du Twitterren, eta erantzun ugari jaso du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...