Kirola

Erremonte txapelketa


Erremonteko Buruz Burukoa

Endikak kostata irabazi dio Azpirozi

Eskuin hankako bikian gainkarga bat izan zuen, eta, 27-14 irabazten ibili ondoren, 30-25 jarri zen.

Endikak Azpiroz kanporatu du.
Endikak Azpiroz kanporatu du. Maialen Andres

Iñigo Goñi Iradi -

2018ko abuztuak 10 12:39

Endikak 30-25 irabazi zion Azpirozi Kutxabank Torneoko lehenengo partidan. Ezkurra II.a izango du aurkari datorren partidan, ligaxkarako sailkapenaren bila. Asko sufritu zuen Endikak Azpiroz kanporatzeko. Partidaren lehenengo partean, alde handia atera zion, baina bigarren zatian gainkarga bat izan zuen eskuin hankako bikian, eta amaitzea kosta egin zitzaion. 14-4 zihoan, eta, aldeaz handituz, 27-14 jarri zen. Orduan hasi zen haren gurutze bidea. Azpiroz, pixkana-pixkana, gerturatuz joan zitzaion, eta lau tantora jarri: 28-24. Saldiasko atzelariaren zorionerako, 29. tantoa errestoz egin zuen, eta azkenengoa sakez. 

Endikak min handia egin zuen errestoarekin. Azpirozek ez zuen asmatu sakearekin, eta Endikak hori baliatu zuen partidua irabazteko arazo fisikoak etorri zitzaizkionean. Endikak 20 tanto egin zituen piloteoan, eta zortzi sakez; galdutakoak lau izan ziren guztira. Azpirozek 16 tanto egin zituen piloteoan, bost sakearekin, eta bat galdu zuen piloteoan, eta beste bat sakez. Endikak ez du hausturarik, eta Ezkurra II.aren aurka jokatuko du ligaxkara sartzeko norgehiagoka. 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

«Buruz indartsua ez bazara, eskiak frustrazioa ekar dezake askotan»

Unai Ugartemendia

Ainhoa Ibarra gernikarra Euskal Herriak eman duen eskiatzailerik onena da. Oso gaztetan, Katalunia aldera abiatu zen, bere pasioarekin jarraitzeko asmoz. Lau Olinpiar Jokotan aritu da bere ibilbidean, eta gaur egun bere talde propioa dauka Aran bailaran (Herrialde Katalanak); Kataluniako selekzioan duen koordinatzaile tekniko lanpostuarekin uztartzen du.
Gorka Aranberriri eta Jon Salsamendiri elkarrizketa

«Onena opa dizut», elkarri esanez, adiorik ez

Aitor Manterola

Gorka Aranberri eta Jon Salsamendi. Toleta eta estropua. Ura eta arrauna. Patroia eta entrenatzailea. Bat gehi bat, bi eta erdi. Zortzi urtez eta zortzi denboraldiz garaipenik handienak lortu ondoren, banatu egingo da bien kirol harremana, Aranberri Santurtzira doalako; ez, ordea, harreman pertsonala.

 ©LUCA ZENNARO / EFE

Tao Geoghegan Hart, enperadore berria

Eñaut Agirrebengoa

Geogheganek, Giroa ezustean irabazi, eta berpiztu egin du Ineos taldearen nagusitasuna. Bere bidea urratuta iritsi da gorenera: futbolean eta igerian aritu zen lehenik, apenas ukitu zuen pista, eta Skyren lehen eskaintza baztertu zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna