2017. urtea %1ean amaitu zuen inflazioak, erregaiaren prezioaren gorabeheren eragina txikitu zenean, eta maila apalean iraun zuen apirilera arte. Maiatzean, ordea, %2ra igo zen, eta ekainean beste urrats bat egin zuen gora, %2,3ra arte.
Erregaiaren garestitzea da inflazioak gora egin izanaren arrazoi nagusietako bat. Garraioak atalean, prezioek %5,8 egin dute gora azken urtean. Nabarmen garestiagoak dira ura, argindarra, gasa eta etxebizitzak ere —%4,3 Araban, Bizkaian eta Gipuzkoan, eta %5,5 Nafarroan—. Elikagaien prezioa %2 handitu da Hego Euskal Herri osoan,
Gehien merkatu dena aisialdia eta kultura da: -%0,6 EAEn, eta -%1,2 Nafarroan.
