Errusia-Txina

AEBei lehia egiteko aliantza

Xi Jinping Txinako presidenteak eta Vladimir Putin Errusiakoak bi herrialdeen arteko harremanaren «garrantzia eta indartzea» irudikatu dute.

Xi Jinping Txinako presidentea eta Vladimir Putin Errusiakoa, gaur, krepeak kozinatzen.
Xi Jinping Txinako presidentea eta Vladimir Putin Errusiakoa, gaur, krepeak kozinatzen. TASS / EFE

Ander Perez Zala -

2018ko irailak 11

Vladimir Putin Errusiako presidenteak eta Xi Jinping Txinakoak bi herrialdeen arteko harremanaren eta lankidetzaren «garrantzia eta sendotzea» ospatu dute gaur. Bi agintariek uste dute «iragarri ezin den klima geopolitikoan» —AEB Ameriketako Estatu Batuetako presidente Donald Trumpen erabakiei erreferentzia eginez— beharrezkoa dela Pekinen eta Moskuren arteko koalizioa indartzea, eta, horregatik, euren burua AEBei aurre eta lehia egiteko aliantza gisa aurkeztu dute berriz ere.

Vladivostoken, Errusia ekialdean elkartu dira Xi eta Putin, Ekialdeko Foro Ekonomikoan. Trumpen erabakiek sorturiko testuinguruekiko aipamenak nabarmendu dira bien arteko hitzorduan, eta presidenteek helburutzat jarri dute «munduko bakeari eta egonkortasunari» eustea —biak dira Nazio Batuen Erakundeko Segurtasum Kontseiluko kideak—.

Batetik, Txinako presidenteak defendatu du bi herrialdeen arteko harremanen «fase berriak» balioko duela «kanpo arriskuak eta erronkak elkarrekin indargabetzeko»; bestetik, Errusiakoak goraipatu ditu Moskuren eta Pekinen arteko harremanak, horiek «erabakigarriak direlako guretzat eta munduarentzat». Hitz onak besterik ez, etsai komun baten aurrean: Txinak gerra komertziala du AEBekin muga zergen inguruan, eta Errusiak AEBek bultzaturiko zigor ekonomikoei egin behar die aurre. gaurko bilera, beraz, Trumpen azken erasoaldi diplomatiko zein ekonomikoen aurkako erantzuna izan zen.

Harreman militarrak

Erantzun diplomatikoa emateaz gain, Errusiak eta Txinak maniobra militarrekin erantzun diete AEBei —eta Pekinen Asiako gainontzeko estatuei ere—. Errusiako armada gaur hasi da hiru egun iraungo duten Vostok-2018 maniobra militarrekin, eta bere armadarekin batera izango dira Txinakoaren 30 aireontzi, 900 tanke eta 3.200 bat soldadu. Pekinen armadak esperientzia gutxi du, eta, Txinako Alderdi Komunistarentzat, azken hamabost urteetan modernizatu duen indar armatuaren ahalmena frogatzea izango da erronka nagusia —Errusia da armamentua ematen dion aliatu nagusia—.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Marcelo de Rebelo de Sousa Portugalgo presidentea hauteskundeetara aurkeztuko zela iragartzeko egindako agerraldian, abenduaren hasieran, Lisboan. ©MANUEL DE ALMEIDA / EFE

Abstentzioa izango da Rebelio de Sousaren mehatxu nagusia bozetan

Julen Aperribai

Presidentetzarako hauteskundeak egingo dituzte Portugalen gaur, eta egungo presidente Marcelo Rebelo de Sousa da faborito argia. Itxialdian izan arren, bozkatzera joateko deia egin diete herritarrei.

Varanda koroa, 2017an, Xuxako katedralean; bi aldiz bonbardatu dute. ©J. C. V.

Gutunik ez Xuxatik

Joan Cabases Vega

Libanon, milaka armeniar negarrez ari dira Azerbaijanen kontra porrot egin dutela-eta Karabakh Garaiko gerran, eta atzerapausotzat daukate beren existentziaren aldeko borrokan.

Bidaiari gutxi batzuk Londresko Heathrow aireportuko korridore batean, iragan astelehenean. ©NEIL HALL / EFE

Birus mugagabea nola mugatu

Julen Aperribai

Erresuma Batuak eta Europako Batasuneko zenbait herrialdek bidaiarien mugimenduak murrizteko eta kontrolatzeko neurriak zorroztu dituzte, koronabirusaren aldaera berrien hedapena galarazteko. Txertoa jaso izana herritarren joan-etorriak baimentzeko irizpidetzat hartzea proposatu du Greziak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna