Albistea entzun

euskara

Uztaritze Bai taldetik bota dute If Matxikote

Uztaritzen euskara ofizial izendatu ondoren hizkuntza plana praktikan jartzeko trabak salatu ditu.

If Matxikote. /
If Matxikote. / Iparraldeko Hitza

Iparraldeko Hitza -

2018ko irailak 18

If Matxikote Uztaritzeko hautetsia Uztaritze Bai taldetik kanporatu dute. Bi parteek onartzen dute azken hilabeteetan sumindua zela talekideen arteko giroa, batik bat euskararen ofizialtasunaren eta hirigintza planen inguruan izan dituzten tira-birak direla eta. Kanporaketaren ondorioz, If Matxikotek oposizioan segituko du herriko kontseiluan Uztaritze Bai taldeko beste hautetsi batek bezala.

Euskara ofizial izendatu zuten Uztaritzen abertzaleek 2014ean gehiengora iritsi ondotik. Matxikotek, ordea, hizkuntz politika plantan ezartzeko ahaleginean trabak salatu ditu. Azaldu duenez, kontrako jarrerak jasan zituen: "2017 hasieran dimisioa aurkeztu nuen hizkuntza politikarako lantaldean. 2014 urtetik eramaten saiatu nintzen lan guztia trabatua ikusten nuen, nahiz eta programa aplikatzen ari nintzen. Kontrako jarrerak ikusten ziren, eta aski bortitzak; ofizialtasunaren inguruan ere".

Gainera, kontseiluan euskaraz hitza hartzen zuelakoan, itzulpenaren auzia ere izan da harreman hausle. Mikel Goienetxe Uztaritze Bai taldeko kideak Euskal Irratian ihardetsi dio gai horri: "Gu ados gaude baina herriko etxe batean dena konplikatua da, dena legalki egin behar da. Gai horretan ontsa begiratu behar dugu nola egin, ez da bakarrik materiala".

Ezadostasunak agerian gelditu dira ere hirigintza xedearekiko. "Hizkuntzarekin bezala ez diogu deus inposatzen inori", dio Matxikotek, hirigintza planarekin segituz: "Guri inposatzen digute frantsesez mintzatzea eta Uztaritze etxe txikiz jostea".

Joan den astean Bruno Carrere Uztaritzeko auzapezak bilkura bat antolatu zuen taldekide anonimoen gutun batean oinarrituz. Bilkura horretan Uztaritze Bai taldeko gehiengoak If Matxikote hautetsia taldetik kanporatzea bozkatu zuen.

"If batzuetan heldu da, batzuetan ez, eta hor isil-isilik gelditzen da. Gero kontseiluan bere puntuak edo bere iritziak ateratzen ditu, gure kontra bozkatuz. Ibilmolde hori, guretzat, ez da posible" azaldu du Goienetxek Euskal Irratietan. Joan den ostiralean Matxikote taldetik kanporatzeko deliberoa motibatu luke, bere erranetan, jarrera horrek: "Guk elkarrekin lan egiten dugu eta ez bagaude ados puntuak baztertzen ditugu edo moldatzen ditugu akordio bat lortu arte".

If Matxikotek ere bere ikusmoldea eman du irratian argituz joan den asteko bilkura "gutun anonimo" batean oinarritua zela. Horretan "leporatzen zaidana bereziki hirigintzari lotua da nahiz eta euskararen gaia ere zeharka atera den", argitzen du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

«PSNrentzat noiz da eremuz aldatzeko garai egokia? Inoiz ere ez»

«PSNrentzat noiz da eremuz aldatzeko garai egokia? Inoiz ere ez»

Joxerra Senar

Ustekaberik ez zen izan atzo Nafarroako Parlamentuan, baina Mañerun «amorruz eta etsipenez» hartu dute albistea, euren nahiari jaramonik ez dietelako egin Navarra Sumak eta PSNk. Alkateak salatu du «bigarren mailako herritar» sentitzen direla

Auto ilara bat, Bilbo inguruan, artxiboko irudi batean. ©ANDONI CANELLADA / FOKU

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoan eten baten ostean. Datu demografikoak, ekonomikoak, sozialak eta ingurumen arlokoak landu ditu behategiak

LAB, ESA, UGT, ELA eta CCOO sindikatuetako ordezkariak, atzo, otsailaren 15eko greba iragartzen. ©IÑIGO URIZ / FOKU

Hiru greba eta hamaika mobilizazio: Nafarroa, marea zuri baten atarian

Ion Orzaiz

LAB, SAE, UGT, ELA eta CCOO sindikatuek, batetik, eta SATSEk, bestetik, lanuzteak antolatu dituzte datozen asteetarako. Sindikatu Medikoa eta Nafarroako Gobernua, ados jarri ezinik

Lege proposamenaren bozketaren emaitza. ©Iñigo Uriz / Foku

Mañeru eremu mistoan sartzeko lege proposamena atzera bota dute PSNk eta Navarra Sumak

Joxerra Senar

Proposamena babestu duten lau taldeek ez dute ulertzen sozialistek nolatan baztertu duten Mañeruko Udalak aho batez onartutako eskaera, eta eskuinaren beldur izatea aurpegiratu diote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.