Naval, likidazioaren atarian

Tapia: "Naval erosteko interesa badute batzuek, baina ez dago eskaintza irmorik"

 

iker Aranburu -

2018ko irailak 27

Bilera izan dute gaur goizean Arantxa Tapia Eusko Jaurlaritzako Ekonomiaren Garapenerako sailburuak eta Navaleko enpresa batzordeko ordezkariek, Bilbon. Bilera horretan, Tapiak berretsi egin die inbertsiogile batzuek "interesa" azaldu dutela Sestaoko ontziolaz jabetzeko, instalazioak bisitatu dituztela —"bat eta bi baino gehiago izan dira"—, baina onartu du inork ez duela "eskaintza irmorik" egin. "Eskaintza horiek ez dira agertzen likidazio prozesua hasi arte".

Hain zuzen ere, astelehenean eskatu zuten Navalen likidazio prozesua haren jabeek, bi amaiera posible dituen prozesu bat: norbaitek ontziola erosi eta berriro martxan jartzea, ala enpresa guztiz itxi eta bere jabetzak (lantegia, orubea, makinak...) enkantean saltzea. 

Jaurlaritza lehen aukeraren alde dagoela berretsi du Tapiak, eta ahaleginak egiten ari direla erosleak aurkitzeko. Hori bai, berriro ere baztertu du gobernuak bere egitea Naval, Europako Batzordeak kinka larrian dauden enpresak diru publikoz salbatzea debekatzen duela argudiatuta. Zein laguntza zehatz baimenduta dauden zehaztuko duen txosten bat agindu die sailburuak langileen ordezkariei.

Kolokan dago zer gertatuko den Navaleko nasetan geratzen den azken ontziarekin, Vox Alexia-rekin. Kroskoa duela urtebete bukatu zuten Navaleko langileek, baina lanak geratuta daude orduz geroztik. Dragaontzia eskatu zuenak, Van Oord Herbehereetako armadoreak, hilabeteak eman ditu negoziatzen ontzia Navalen bukatzeko baldintzei buruz, baina ez da akordiorik izan. "Ulertzen dut Van Oordek bermatu egin nahi duela dragaontzia baldintza onetan egingo dela", azaldu du Tapiak. Langileen ordezkarien arabera, "oso garrantzitsua" da ontzia Sestaon bukatzea, "bestela hilabete edo hilabete eta erdi bakarrik geratzen zaigulako. Ontziolaren heriotza ekarriko luke", Juanjo Llorden enpresa batzordeko presidentearen arabera. 

Langileen protesta

Ontziola nazionalizatzea eta Madrilgo edo Gasteizko gobernuen esku geratzea eskatu izan dute Navaleko langileek, eta gaur ere eskaera hori egin dute, Tapiarekin egin behar zuten bileraren atarian. Juanjo Llorden enpresa batzordeko presidenteak gogorarazi du Frantziako Gobernuak "ontziola bat nazionalizatu" duela.

Bretainiako Chantiers de l'Atlantique da ontziola hori, Sant Nazaer hirian. Kasu horrek, ordea, baditu berezitasun batzuk.  Emmanuel Macronen gobernuak "aldi baterako" nazionalizatzea erabaki zuen duela urtebete, bestela ontziola FIncantieri Italiako ontziola publikoaren esku osorik geratuko zelako. Sant Nazaerren itsasontzi militarrak ere egiten dituztenez, ezagutza militar estrategikoa atzerriko herrialde baten esku geratuko zela argudiatu zuen operazio hori justifikatzeko. Parisko agintarien asmoa da ontziolaren erdia Fincantieri saltzea, eta estatuak akzioen parte esanguratsu bat gordetzea, baina operazioa atzeratzen ari da. Izan ere, Europako Lehia agintariek aurretik erabaki behar dute Chantiers de l'Atlantique kontrolatuta Fincantierik ez ote duen Europako ontzi handien merkatuen gehiegizko parte hartzea izango.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna