Albistea entzun

Lurrama

Abiatu da aurtengo Lurrama, "laborantza elikatzaile baten alde"

Gaur goizean ireki ditu ateak Miarritzeko Irati erakustazokak hiru egunez Lurrama azokarentzat. Aurten 13. aldia du laborantza herrikoiaren azokak eta LPB Laborantza Politika Bateratua izango du hizpide.

Iazko Lurrama azokako irudia. /
Iazko Lurrama azokako irudia. / Bob Edme

Eihartze Aramendia Iparragirre -

2018ko azaroak 16 13:51

Gaur goizean ireki ditu ateak Miarritzeko Irati erakustazokak hiru egunez Lurrama azokarentzat. Aurten 13. aldia du laborantza herrikoiaren azokak eta LPB Laborantza Politika Bateratua izango du hizpide eta hortik aurtengo leloa "Laborantza elikatzaile baten alde!". Aurtengo ohorezko gomitak Poitou Charentes Frantziako mendebaldeko eskualdeko laborariak dira.

Goizeko hamaiketan ofizialki inauguratu badute ere, lehenagotik hasi da mugimendua erakustazokan hitzaldi, tailer, azoka, ostatu eta beste hainbat animazioekin.

Haur eta gazteek protagonismo berezia izan dute gaur goizean. Urtero bezala hainbat ikastetxetatik etorritako ikasleek aretoa bete dute, animaliak eta erakustaldiak dauden aretoa, batik bat. Bertan ikusi ahal dute gurina eta gasna nola egiten diren, ardiei ilea nola mozten den, artzain txakurren lana zein den... Galderak egiteko aukera ere izan dute.

Igandera bitarte izango da zer dastatua, zer ikusia eta zer ikasia Lurraman. Laguntzaileek paper garrantzitsua dute egun hauetan gainera. 900 laguntzaile inguru ariko dira egun hauetan, baina iganderako jendea falta dela nabarmendu du Patxi Iriart laguntzaileen arduradunak, "30 bat lagun bederen". Norbaitek lagundu nahi badu, beraz, Lurramaren webgunearen bidez izena ematen ahalko du.

Ohar bat ere egin dute antolatzaileek. Izan ere, biharko gasolinaren prezioaren gorakadaren gaiarengatik mobilizazio bat deitu dute eta Baiona-Angelu-Biarritz inguruko bideak blokeatu nahi dituzte. Antolatzaileek jakinarazi dute Lurramako programa ez dutela aldatuko eta bidean arazoak baldin badira, beste bide batzuk hartzeko gomendatu dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Gorka Rubio / FOKU

«Arima pixka bat falta da orain, bai unibertsitatean eta bai hedabideetan»

Unai Zubeldia - Gipuzkoako Hitza

Bokazioz irakaslea dela aitortu du Joxerra Garziak, baina lan asko egindakoa da bai bertsolaritzan eta bai komunikabideetan. Erretiroa hartuta ere, ikastaroak eman eta eman ari da oraindik.

Herritar ugarik produktuz beteriko poltsak utzi dizkiete Elikagai Bankuko boluntarioei. ©JAIZKI FONTANEDA / FOKU

Elkartasunez bete dira orgak

Aitor Biain

Hego Euskal Herriko Elikagai Bankuek bilketa nagusia egin dute, urtero bezala. Ehunka tona elikagai eta oinarrizko produktu bildu dituzte dendetan eta supermerkatuetan.
 ©IÑIGO URIZ / FOKU

«Trantsizioa egitea, nola esan... zoriontasun eztanda bat da»

Iker Tubia

Gorputza estaltzen duten babesetan gordetzen da Gomez izotz hockeyan aritzeko. Ia bizi osoan gorde behar izan du emakume zela, baina orain ez du ezkutatzen. Partida hor dago oraindik.
Gazte Euskaltzaleen Sarekoek protesta egin zuten EITBren Bilboko egoitza aurrean, azaroaren 16an. ©KLAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.