Albistea entzun

Ilargiaren alde ezkutuan lur hartu du espazio zunda batek, historian lehenengoz

Chang'e 4 zunda Ilargiratzea lortu du bart Txinak, Euskal Herrian 03:26ak zirela. Aurreikusitako tokian pausatu da, Ilargiaren hego poloan dagoen Aitken haranean.

Chang'e 4 espazio zundak Ilargiaren aurpegi ezkututik bidali duen lehen irudia.
Chang'e 4 espazio zundak Ilargiaren aurpegi ezkututik bidali duen lehen irudia. Txinako Espazio Administrazio Nazionala/EFE

Berria -

2019ko urtarrilak 3 07:04

Gizakiak gertutik sekula aztertu gabeko eremu batera iristea lortu du CNSA Txinako Espazio Administrazio Nazionalak. Chang'e 4 misioa arrakastaz egin du, eta, historian lehenengoz, zunda bat Ilargiratu da Lurraren satelitearen alde ezkutuan.

Espazio zundak hainbat arlo ikertuko ditu: irrati frekuentzia baxuak, Ilargiaren lurrazala eta erliebea, eta haren konposaketa eta egitura. Horrez gain, neutroien eta atomo neutroen erradiazioa neurtuko du.

Chang'e 4 zundak esploraziorako ibilgailu bat eta modulu bat ditu. Abenduaren 8an jaurti zuen espaziora Martxa Handia 3B suziriak, Xichango Satelite Jaurtiketa Zentrotik (Sichuan, Txina). Lau egun behar izan zituen Ilargiaren orbitara iristeko. Txinako Espazio Agentzia bitan saiatu da orbitaren distantzia laburtzen. Azkenengoz, abenduaren 30ean.

Espazio zundaren eta Lurraren arteko komunikazioa ahalbidetzeko, Queqiao satelitea jaurti zuen Txinak, joan den maiatzean. Sateliteak ispilu lana egiten du zundaren eta espazio agentziaren artean.

Ez da Ilargiaren alde ezkutua ezagutzeko lehenengo saiakera izan. NASA hara iristen saiatu zen 1962an, tripulaziorik gabeko misio batean, baina porrot egin zuen. Gizakia Ilagiaren alde ezkutura bidaltzea da Chang'e 4 misioaren epe luzeko helburua. Zenbait adituk 2036. urterako aurreikusten dute lorpen hori.

Espazio zundaren izena kondaira txinatar batetik hartu dute misioko arduradunek. Elezaharrak dio Chang'e izeneko jainkosa bat bizi dela Ilargian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©DANI CODINA / BERRIA

«Estatuak lortu nahi zituen ondorioak ekarri ditu errepresioak»

Carme Porta

JxCren idazkari nagusiak «oinarrizko gobernu akordioa berreskuratu» eta «autoexijentziari berriz heltzea» nahi du: «Kontua ez da dena aldatzea, baizik eta gu aktibatzea, eta proposamenak aztertzea bateragarriak izateko».

JxCko idazkari nagusi Jordi Turull eta alderdiko presidente Laura Borras, bileraren ostean egindako agerraldian, Bartzelonan. ©Marta Perez / EFE

JxCko militanteek datorren astean erabakiko dute Kataluniako Gobernutik irten ala ez

Mikel Elkoroberezibar Beloki - Gorka Berasategi Otamendi

Urriaren 6an eta 7an egingo dute kontsulta. ERCk adierazi du Kataluniako Gobernuak aurrera jarraituko duela JxCk erabakitzen duena kontuan izan gabe.

Amazoniako eremu deforestatu bat, artxiboko irudia ©Proética

Klima aldaketaren politiketan herri indigenen jakintza kontuan hartzeko eskatu dute

Isabel Jaurena

Txosten batek dio herri indigenek «arazo global konplexuei aurre egiteko ulermen modu alternatiboak» dituztela

Nord Stream gasbidearen Danimarkako eremuko zuloa ©Danish Defence Command / HANDOUT

Bertze zulo bat topatu dute Nord Stream 2 gasbidean

Berria

Aurkitzen duten laugarren gas ihesa da. Bi Danimarkako eremuan daude, eta bertze biak Suediakoan. Alemaniako Ingurumen Ministerioak ohar egin du metano isuriek eragin ditzaketen kalteez.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...