MSC ZOE zamaontziari, Alemaniako Borkum uhartetik gertu igarotzen ari zela, zeramatzan edukiontzietako batzuk erori zaizkio itsasora, oraindik argitzeko dagoen arrazoiren bat dela medio. Handik, haizeak lagunduta, Herbeheretaraino heldu dira edukiontzietatik hainbat, zehazki Terschelling eta Vlieland irletako hondartzetara.
Ikusgarriena, hala ere, bertako herritarrek izan duten erreakzioa izan da, asko izan baitira aukera baliatu eta itsasoak ekarritako altxor txikiak —aulkiak, jostailuak, altzariak, etab— hartu eta etxera eraman dituztenak. THB telebista kateak zabaldu dituen irudietan hondartza bat ageri da apurtutako altzariz betea.
[youtube]https://youtu.be/nXdgNW_00BE[/youtube]
Kostazainek ohartarazi dute zamaontziak galdutako hiru edukiontziren bila jarraitzen dutela. Horietan, gainera, gai arriskutsuak daudela jakinarazi dute.
