Eskia

Diktadurekin lan egitea "errazagoa" dela esan du Munduko Eski Federazioko presidenteak

Gian Franco Kasperrek auzitan jarri du klima aldaketa, eta eskiatzeko "eskubidearen" izenean natura hondatzea ere zuritu du, elkarrizketa batean.

Gian Franco Kasper, Munduko Eski Txapelketaren irekiera ekitaldian, herenegun, Suedian.
Gian Franco Kasper, Munduko Eski Txapelketaren irekiera ekitaldian, herenegun, Suedian.

Jakes Goikoetxea -

2019ko otsailak 6

Ahoan bilorik gabeko elkarrizketa eskaini dio Gian Franco Kasper Munduko Eski Federazioko presidenteak Suitzako Tages Anzeiger egunkariari (alemanez argitaratzen da). Elkarrizketan, auzitan jarri du klima aldaketa, eta agerian utzi du nahiago duela diktadurekin lan egin. Kasper 1998tik da Munduko Eski Federazioko presidentea. NOB Nazioarteko Olinpiar Batzordeko ohorezko kide ere bada.

"Guretzat errazagoa da diktadurekin lan egitea. Negozioaren ikuspegitik esan nahi dut. Diktaduretara joan nahi dut; ez daukat ingurumenaren aldekoekin eztabaidatu beharrik". Munduko Eski Federazioko presidenteak, neguko Olinpiar Jokoei buruz galdetuta, diktaduren aldeko iritzia eman du.

Kasperrek uste du Olinpiar Jokoak ekitaldi erraldoiak eta oso garestiak direla. Baina oraindik ere ideia ona direla: "Erabat. Kirolarekiko interesa hazten ari da; Olinpiar Jokoek entretenimendua eskaintzen dute. Poza eta tristura, abertzaletasuna... jokoak paregabeak egiten ditu". Jokoen neurriak eta ordaindu beharreko fakturak gero eta zailagoa egiten du jokoak antolatzeko hautagaiak lortzea. Kazetariak galdetu dio ea horregatik jo behar izan duen NOBek "ez-arrazoizko" herrialdeetara. "Diktadurek halako ekitaldiak egin ditzakete; ez daukate herritarrei galdetu beharrik", erantzun dio Kasperrek. "Zer nahi duzu egitea? Bigarren mailako kontua da neurri batean, kirola non egiten den da garrantzitsua". Kasperrek aurretik egindako adierazpenak zuritu nahi izan ditu esanez kirolak ateak zabaldu ditzakeela zenbait herrialdetan.

Eskiatzeko azpiegiturak garestiak dira. Hainbat kasutan azpiegitura horiek sortzeko suntsitu egiten dituzte inguruko natur baliabideak. Ura erabiltzen dute elur artifiziala sortzeko. Horiei buruz hizketan, Kasperrek "klima aldaketa deitutakoa" aipatu dio kazetariari. "Ez dago frogarik", dio klima aldaketaz. "Elurra daukagu; batzuetan, asko". Txantxak ere egin ditu klima aldaketari buruz, Pyeongchango Olinpiar Jokoetan, esaterako: "35 gradu egiten zituen zero azpitik. Niregana dardarka etortzen ziren guztiei esaten nien: Ongi etorri klima aldaketara".

Pyeongchangen, jaitsierako mendi magala prestatzeko, 100.000 zuhaitz moztu zituzten,  eremu babestu batean. "Zuhaixkak", Kasperren arabera. Munduko Eski Federazioko buruak dio erakundeak lan handia egiten duela ingurumena babesteko, zuhaitz bakarra bota behar izatea "hondamena" dela haientzat; baina, era berean, Hego Korean eta Txinan —Pekinen egingo dituzte 2022ko neguko Olinpiar Jokoak— "eskubidea" dutela eskiatzeko: "Herrialde guztiek daukate eskubidea herritarrei eskiatzeko maldak eskaintzeko".
Kazetariak galdetu dio ea ez ote litzatekeen posible Munduko Eski Federazioak askoz ere diru gehiago sortzea, beste kirol batzuetan egin duten moduan, marketin estrategia onak aplikatuta. Kasperrek ezetz erantzun dio, ez diela axola ahalik eta diru gehien lortzeak: "Gu neguko turismoaren publizitate agentzia gara batez ere".
 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna