Enpresak

CAFek 500 milioiko kontratua lortu du, Australian

Beasaingo taldeak 29 tren, bi simulagailu eta mantenurako biltegi bat eraiki beharko ditu.

CAF Tamaina handiagoan ikusi

Arantxa Elizegi Egilegor -

2019ko otsailak 14

Hegoaldeko Gales Berrirako 29 tren, bi simulagailu eta Dubbo hirirako (Sidney ipar-ekialdean) mantenurako biltegi bat eraiki eta hornitu beharko du CAF taldeak, 500 milioiko kontratuan zehazten denez.

Eskualde horretan zazpi milioi pertsona baino gehiago bizi dira eta bertako agintarien asmoa da aurrez dauden tren zaharrak kendu eta seguruagoak eta erosoagoak diren batzuk jartzea. Hala, tren berriak martxan nahi dituzte 2022rako.

Aurrez ere lortua du CAFek beste kontratu bat Australiarekin. Iazko abenduan sinatu zuten hura, Sidneyrako hamahiru tren arin egiteko. Taldeak zazpi moduluko hamahiru tranbia hornituko ditu, Urbos modelokoak. Gainera, tren lineako sistemak eta integrazioa hornituko ditu, eta trenbideak izango dituen hamasei geltokietako plataforma, eta mantentze-lanetarako eta euskarria emateko instalazioen diseinua eta eraikuntza ere egingo ditu.

Azken egunetan hizpide izan da Beasaingo (Gipuzkoa) enpresa, bertako langile batzordeak eskatu diolako zuzendaritzari uko egin diezaiola Jerusalemgo tranbia linea berria hornitzeko lehiaketari. Atzo bertan PAE Palestina Askatzeko Eakundeak eskerrak eman dizkie langileei euren "borrokari" emandako babesagatik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Arabako Errioxako ardo ekoizle bat, zaldi batekin mahatsa zaintzen, aurtengo martxoan. ©BIBA ARDOAK

Lehen sektorearentzako laguntzen %70 aurreratuko ditu Jaurlaritzak

Jokin Sagarzazu

Hiru lurraldeetako abeltzainen eta nekazarien artean 20 milioi banatuko ditu, 2020ko ekitaldikoak. Europako plan berritik diru gehiago iristea espero du, baina jarrera zentralista leporatu dio Madrili
New Yorkeko Wall Street, aberastasun ugari sortu eta galdu egiten diren gunea. ©BERRIA

Pandemiak apenas apaldu duen aberatsen kopurua mundu zabalean

Xabier Martin

Credit Suissek dio 56.000 aberats gutxiago daudela, %0,1 gutxiago. 51,9 milioi aberats daude munduan behintzat milioi bat dolarren jabe
Pedro Azpiazu eta Arantxa Tapia  sailburuak, Eusko Legebiltzarreko saio batean ©Rual Bogajo (Foku)

Neurri «murriztaileagoak» aplikatzen badira, laguntza ekonomikoak gehituko ditu Jaurlaritzak

Jokin Sagarzazu

Azpiazu sailburuak aitortu du okerrera egin dezaketela gobernuaren aurreikuspen ekonomikoek.

IRPH hipoteken aurkako protesta bat, Donostian ©Andoni Canellada (Foku)

Gorenak dio bankuek ez dutela abusatzen gardentasunik gabe informatzen dutenean

Jokin Sagarzazu

 IRPH indizea duten hipoteken legezkotasuna bermatu du. Finantza erakundeek arnasa hartu dute. Hipoteka hori dutenek 100-200 euro gehiago ordaintzen dituzte hilero.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna