Donald Trump AEBetako presidenteak larrialdi nazionala ezarrita Kongresuan harresia eraikitzeko onartu ez zituzten aurrekontuen dirua eskuratu nahi du.
Urtarrila hasieran hasi zen Trump larrialdi nazionala deklaratuko zuela esanez, Kongresuak ez zituelako onartu presidenteak harresia eraikitzeko aurkeztutako aurrekontuak. 4.300 milioi euroko aurrekontua eskatu zuen abenduan, baina demokratak eta errepublikanoak ez ziren ados jarri. Atzo 1.220 milioi euroko aurrekontua onartu zuten bi ganberek harresia eraikitzeko, baina diru hori ez da nahikoa osoa eraikitzeko.
Larrialdi nazionalaren deklarazioaren bitartez, Etxe Zuriko maizterrak 3.100 milioi euro eskuratu ahal izango ditu, eta gainontzeko dirua gastu militarrera bideratutako dirutik bilduko du, CNN eta ABC agentziek jakinarazi dutenaren arabera.