BIHAR BERRIAN
Botikak, hobe agindupean
‘Errezetarik gabe ez’ kanpaina abiatu du Gipuzkoako Farmazialarien Elkarteak, ibuprofenoaren, parazetamolaren eta metamizolaren dosi handienen automedikazioan arreta jarrita. Horixe izango da biharko ‘Bizigiro’ gehigarriko gai nagusia.
Botiken dosi handiagoak ez du esan nahi onura gehiago: frogatuta dago, osasun langileek azaldu dutenez. Kontrakoa dago zabalduta, ordea, eta dosi altuenak kontsumitzera jo ohi da: gramo bateko parazetamola eta 600 miligramoko ibuprofenoa —metamizolen kasuan, 575 miligramokoa da dosi bakarra, baina errezeta behar du—. Horiek bezainbeste on egiten dute horien dosi txikiagoek, eta kontrako efektu gutxiago dituzte osasunarentzat. Hiru horiexek jarri ditu fokupean Gipuzkoako Farmazialarien Elkarteak Errezetarik gabe ez kanpainarekin. Bi farmazialariren eta Osakidetzako MIEZ zentroko arduradunaren hitzak bilduko dituzte biharko Bizigiro gehigarrian.
Bestelako kontuak ere landuko ditu gehigarriak. Mikel Yarza Artolak Netflixen Sex Education telesailari buruz idatzi du: harrera beroa izan du nerabeen sexu hastapenak kontatzen dituen telesailak. Horrez gain, Koldo Zuazok urteetan egindako lana ingelesera itzuli du Routledge argitaletxeak, eta horri buruzkoak ere izango dira gehigarrian.
Astero bezala, asteburuko proposamenak ere izango ditu gehigarriak: igandean Arroitzen (Nafarroa) egingo duten ogi txigortuaren eguna da proposamen nagusia: sekula baino oliba gehiago jaso duten arren, olio ekoizpenak behera egin du aurten.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
