Finantza entitateak

Kutxabankek 332 milioi irabazi ditu iaz, %10 gehiago

Entitatearen portaera "oso positiboa" azpimarratu du Gregorio Billalabeitiak. Irabazien erdia, 166 milioi euro, joango da BBK, Kutxa eta Vital Banka fundazioetara.

Kutxabanken egoitza nagusia Bilbon.
Kutxabanken egoitza nagusia Bilbon. MARISOL RAMIREZ / FOKU

Irune Lasa -

2019ko martxoak 2

Iazkoa urte ona izan da Kutxabankentzat. %10 gehiago irabazi du, 332 milioi euro, sozietate zergan 74 milioi euro ordaindu ostean. Irabazi horien erdia, 166 milioi euro, joango da BBK, Kutxa eta Vital Banka fundazioetara.

Bezeroen negozioari lotutako aldagai guztiak hobetu ditu, bankuak berezkoa duen negozioak emandako sarrerak 1.057 milioi eurora igota (+%2 ). Eta zalantzazko aktiboak 500 milioi eurotan murriztu eta berankortasun tasa txikia txikitzen jarraitu du, %3,86ra —inguruko entitateen artean txikiena—, eta ondorioz, diru gutxiago jarri behar izan du zuzkiduretan,185 milioi (-%57).   

Emaitza onean zerikusia izan du ere bankuak gastuetan murrizketa handia egin duela. Gastu orokorrak %8,6 txikitu ditu eta pertsonalean iaz baino %3,4 gutxiago gastatu du.

Beste dirutxo bat, 74,8 milioi euro (+11,2), hainbat enpresetan dituen parte hartzeetatik etorri zaizkio Kutxabanki. Edonola ere, beste parte hartze batzuk saldu egin ditu bankuak, eta horri esker diru sarrerak handitu. 2018an zehar, Kutxabankek Euskaltelen %1,22 saldu du, eta abenduan jakinarazi zuen Ingeteam ingeniaritza enpresa bizkaitarrean zuen zatia %29,18tik %15,9era jaitsi duela.

Maileguak online

Bezeroen negozioari dagokionez, produktu berrien salmentak handitu ditu bankuak eta aseguruen negozioaren bilakaera bereziki ona izan du (+%10), marjina gordinera 136 milioi euroko ekarpena eginez. Interes marjina ere, hobetu egin du Kutxabankek bigarren urtez jarraian, Euriborrak urtea negatiboan itxi arren.

Hipoteka maileguen kontratazioen bolumena %22,6 handiagoa izatea lortu du Kutxabankek, eta gaur egun, entitateak emanak dira Arabako, Bizkaiko eta Gipuzkoako hipoteken %38.

Kontsumorako mailegu gehiago ere kontratatu ditu, 474 milioi euroraino (+%19,8). Deigarria da kontsumorako mailegu horien %23 online izenpetu direla. Kutxanbankek hamar bezerotatik lauk euren eragiketa guztiak Internetez egiten dituzte.

Bilakaera eskasena inbertsio funtsek eta pentsio planek eta BGAEetara egindako ekarpenek izan dute, eta positibo mantendu arren, partida horiek %1,7 jaitsi dira.

Kutxabankeko presidente Gregorio Billalabeitiak goraipatu egin du bankuak iazko urtean izandako portaera, eta "oso baikorra" izan dela azpimarratu du, besteak beste, ekonomia moteltze zantzuak erakusten ari denean, interes tasek negatiboak izaten jarraitzen dutenean, tentsio geopolitikoen ondorioz merkatuen hegakortasuna handia dela eta ikuskaritzak baldintza oso zorrotzak jartzen dituela. Kutxabanken emaitzen sendotasuna ere nabarmendu du Billalabeitiak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen agerraldia, gaur. ©BERRIA

Hezkuntza Sailak «planifikazio integralik» ez duela salatu dute sindikatuek

Gotzon Hermosilla

Ohartarazi dute «transmisio kasuak ugarituko» direla neurriak hartzen ez badira. Greba egunetik astebetera, adierazi dute ez dutela baztertzen beste mobilizaziorik egitea.

Osasungintzako sindikatuen protestak. ©Gorka Rubio/FOKU

«Hitzetatik ekintzetara pasatzeko» eskatu diote sindikatuek Osakidetzari

Maria Ortega Zubiate

SATSE, ELA, LAB, SME, CCOO, UGT eta ESK sindikatuek osasun sistemaren egoera hobetzeko neurriak hartu ditzala eskatu diete Osakidetzari. Adierazi dute neurriak hartu ezean mobilizazioekin jarraituko dutela.

Hainbat ikasle, ikasgeletara sartzeko zain, Bilbon. ©Luis Jauregialtzo / Foku

32 ikasgela itxi dituzte egun bakarrean Hego Euskal Herrian

Mikel O. Iribar

Ikasturtea hasi zenetik, 364 ikasgela daude itxita Hegoaldean. Guztira 231 ikastetxetan izan dira itxiera horiek.

PCR proba bat, Gurutzetako ospitalean. ©Luis Jauregialtzo, FOKU

Lehen aldiz, laurehun kasuren langa gainditu du Nafarroak

Uxue Rey Gorraiz

Beste 826 kasu atzeman dituzte Hego Euskal Herrian. Horietatik 421 Nafarroan detektatu dituzte. Positiboek goia jo dute lurralde horretan, eta hildako bat izan da. 497 lagun daude erietxean Hegoaldean: horietatik 81, ZIUetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna